2018年8月14日星期二

堡,堡,堡

8月4 去咗Rosenburg城堡睇話劇。
因為呢個城堡去過,佢前園有個大空地,以為會係喺嗰度演出,原來係喺城牆外面。

劇目係法國喜劇Monsieur Claude (Qu'est-ce qu'on a fait au Bon Dieu?). 齣戲我冇睇過.
360 度舞台。

演員就喺觀眾席之間走出嚟。
唔記得做定功課先嚟。但係個故事幾易明,仲好好笑添。

中場休息時去八吓城堡隔籬個樹林.
有呢啲收費攀爬嘅嘢玩。

之後就去另一個城堡Schloss Ruegers。呢日有個中世紀活動。
巴洛克式城堡搞中世紀活動好似唔多夾。

我第一次睇呢種對戰。

最後呢位武士贏咗.
嚟開檔嘅好似係捷克人多,訪客都係捷克人多.因為呢度好近捷克。





城堡側面有啲殘破。但係最近佢係城中話題。
城堡主人係一位廿幾歲嘅大學生伯爵。佢開價五百萬歐元想賣咗座城堡。
註>奧利地禁咗奧利地人擁有貴族嘅封號,但係因為城堡主人係德國籍,所以可以保留伯爵嘅稱號。
城堡後花園有個好大嘅湖。


見有捷克可樂賣。用呢隻杯裝。五歐按金.
最後去埋城堡主人另一座喺Hardegg嘅城堡.

冇入去參觀。
望去山嗰邊已經係捷克。
市中心嘅河係分隔奧地利同捷克嘅邊境。
呢度市中心完全唔吸引,冇影相.
行路去捷克。間屋依家係免費嘅資料展覽館。
最後畀啲嘢大家估.
城堡有道路封咗, 原因係將會喺呢度拍戲。
但係駁咗消防喉。
做乜東東呢????
開估嘅相睇咗都未必明。
開估> 
原來係淋花. 工作人員話淋花想啲野草生得好啲,拍戲時靚啲喎.......乜呢啲唔係後期電腦製作嘅咩???

36 則留言:

  1. 全球最宜居住城市係維也納,睇你成日遊山玩水、睇歌劇、睇巡遊、睇博物館………………,得閑到可以煮番幾味,咁嘅生活真係唔錯。

    淋水施肥工錢少過後期製作好多倍。

    回覆刪除
    回覆
    1. 跌咗啦,唔係全球最好了.
      工錢少過>> 諗諗吓都有道理。

      刪除
  2. 巴洛克亦都有話13-15世紀先於歐洲流行,咁同中世紀都冇乜衝突
    Puzzle 草地靚
    爬果d我一定玩
    咁樣比劍都鐸王朝已好興
    5歐有冇要咗個杯
    今日話維也納最易居簡直笑話,叫寫果人試下去輪洗衣機,夏天又冇冷氣先講

    回覆刪除
    回覆
    1. 冇乜衝突>>都係唔多順眼.
      一定玩<< 馬騮上身>
      隻杯唔要啦,又唔係靚。
      因為佢冇加洗衣機擁有率囉.

      刪除
  3. 套戲好笑喎, 係呢度勁收

    回覆刪除
    回覆
    1. 噚晚電視播咗套戲,唔知係咪知道咗個故事同對話,唔覺好好笑了.

      刪除
  4. 年輕百爵醒呀!要錢好過要城堡。

    回覆刪除
    回覆
    1. 真係呀,維修保養都唔知要幾多錢.

      刪除
  5. 捷克可樂有甚麼下同?

    回覆刪除
    回覆
    1. 捷克土炮可樂個味唔同,多咗一種香草味.

      刪除
  6. 英國的貴族封號,可以用錢買架,你想叫咩呀?

    回覆刪除
  7. 用水淋靚D草,
    可能平過用電腦效果嘛。。。哈哈!
    你就好啦,成日堡!堡!堡! :)

    回覆刪除
  8. 嘩好掂喎
    你可以行路去捷克...
    最近 工作順利呀
    奇怪 完全收唔到你個post嘅更新 資料

    回覆刪除
    回覆
    1. 工作OK啦。
      冇更新資料。。奇怪。

      刪除
  9. 五百萬歐實在太抵,平過好多山頂別墅好多........
    初步估計會有近500萬個大陸富豪去搶購XXXXD

    回覆刪除
  10. 現在拍戲多數用電腦後期製作,肯花錢整靚個景先拍好難得…

    回覆刪除
  11. 啲武士一身鐵甲,會唔會中暑?
    個可樂杯係咪瓷器杯?好屈突 :p 仲有佢哋會唔會好似香港啲小販咁,將個杯浪吓就當係洗咗再裝比第二個飲? :p
    分隔奧地利同捷克嘅邊境嘅河,如果有人喺條河遇溺,要打邊個國家嘅緊急號碼呢? :p
    行路去捷克,有無得比你企喺邊界,一隻腳喺奧地利,另一隻腳喺捷克,影返張同時喺兩個地方嘅相呢? :p
    拍戲駁咗消防喉我以為係拍雨景 :p

    回覆刪除
    回覆
    1. 呢日好鬼熱都冇中暑.
      隻杯係陶,核突冇要。睇唔到佢點洗杯。
      我認為睇你有冇保險啦,冇嘅去捷克救可能平啲。
      咁又冇喎,橋上都冇劃國界。

      刪除
    2. wiki話奧地利同捷克嘅緊急號碼都係112,咁會唔會係個接線生決定派邊個國家嘅人去急救呢?

      刪除
    3. 咁又真係唔知喎. 定係睇遇險者講乜文?

      刪除
    4. 又係喎,啲急救員都要識得同傷者溝通先得喎
      咁接線生起碼要識三文兩語喇

      刪除
    5. 三文三語我估好多歐洲人都懂。

      刪除
  12. 請個人淋水平過後期加工
    可樂杯有無還,定係用5歐買左佢

    回覆刪除
  13. 巴洛克式城堡搞中世紀活動好似唔多夾<--又係喎!係古堡攪好D

    回覆刪除
  14. 我上傳o左 皮革記念品 張相,你來睇啦!

    回覆刪除

入咗嚟,不如寫幾隻字,留個言啦.