St. Wolfgang

最近天氣好嘅週末都出去走一走。8月11就去咗St. Wolfgang.
呢度有個好出名嘅上山火車Schafbergbahn，已經有125年歷史。
但係買飛就一肚氣。呢度仍然係multi-queues,我條隊排排吓個counter可以居然聲都唔聲就走咗去放飯。唔只佢係咁, 之前另一個counter都係咁. 其實佢可以棟個牌話就快close，叫人唔好再排呢度啫.

買飛時要決定埋落山時間.我12:30上山, 14:25落山. 冇喺山上食嘢,慢慢行，慢慢睇,時間啱啱好.
入閘後有人同你影紀念相, 落山就可以買，7歐一幅。當然冇幫襯啦.

火車係用齒輪爬行的。

行車時架車好鬼震。

車程35分鐘。

坐左邊風景好一啲。

將到總站時右邊個景又好似好啲。

註＞途中會停一個站。

有幸坐咗呢個古董蒸汽火車頭。

其實呢度已經畀亞洲人攻陷咗。有印度人,韓國人，當然有最多嘅強國人啦. 所以啲告示都好照顧強國人㗎。。。。

嚟到呢度,唔好懶，一定要繼續行上山.

另一款柴油車。

行到山頂個景超靚。

Mondsee月亮湖.

右邊個湖係Attersee

Wolfgangsee Lake.

回程搭咗呢款柴油車。

回程全車滿座。同我一排座椅嘅有一個強國家庭，同一個自由行。我唔明個家庭典解唔係一齊行（定係個老婆上車霸位先），個女人喺車廂中高八度叫個老公快啲入閘。 
呢個家庭有一個坐咗左邊,其餘坐右邊.真係幾擔心佢哋會隔幾個人大大聲傾偈。好彩佢哋一開車就斷咗片。連個單獨自由行都瞓咗.

落咗山就行吓個鎮仔.

紅色呢棟係呢度最出名嘅酒店。因為有一齣奧國殘片以呢度做故事背景。

好似好多奧地利嘅湖咁,呢度湖邊都係私人地方。唔可以沿湖邊慢步。但呢間酒店旁邊就有個缺口。

 我覺得呢度嘅湖景唔夠靚囉.

而呢度亦畀我好商業化嘅感覺.

 

啲馬都學咗中國人咁猛太陽要撐傘。

臨走前睇埋間教堂先。

又幾靚喎.

仿製聖人St.Wolfgang嘅居所。。。洞穴一個.

教堂腳下係酒店嘅泳場。