斯圖加特 Kunstmuseum Stuttgart

6 月8 開始與有人出巡。搭早幾嚟到Stuttgart。

機場去市中心原本搭火車就可以。買咗飛，去到月台。。。乜冇人等車嘅? 我哋嘅機太早所以冇人?

望吓候車時間個牌，（只有德文）話機場與XX站之間因為工程，服務中斷。於是搵個鐵路網絡圖睇吓，原來去市中心係冇車。機場大台，售票機都冇告示。咁都得！

返回入境大堂，見有往地鐵站嘅指示。咁跟住行啦。上咗車，搭咗幾個站之後，廣播（只有德文）話因為工程，下一站係尾站，請所有乘客落車。原先呢個站仲有第條地鐵線去市中心。當搵月台之際，又見指示話呢個站啲車只往機場方向。。。咁唯有搭接駁巴士再轉地鐵啦。

酒店未可以check-in，於是拎埋行李去藝術館 Kunstmuseum。

特別展仲有幾日先開始。唯有睇吓常設展館。

呢度我2021年尾嚟過，所以冇乜新嘢換咗。

點可以啲氣球唔漏氣嘅呢?

個"電視" 係投影。

一大疊保鮮紙。

直情係街邊啲塗鴉。

包裹嘅labels.

蜜蠟房。