2016年7月17日星期日

搭咀

早幾日睇咗以下一篇專欄。 雖然唔係講我地頭,我都想搭吓咀。 

瑚說百道:東歐小經驗 (7月15東方)
在網上社交平台時常看到很多住在香港的中國人,喜歡批評內地同胞如何沒禮貌、沒文化、服務態度如何差、地方如何髒,但今次去過東歐旅行,感到中國人在各方面都比這些所謂充滿藝術氣質的東歐地方和人好很多很多。在東歐的第一天已感到酒店房間有陣地氈的「發霉」味道,沒想過在東歐最後一天所住酒店的椅子上,還黏着溶了的糖果紙呢!房間沒有提供即棄拖鞋,看來 在這些城市的五星級酒店,比國內的商務酒店還要差。同行的團友指因為這些東歐國家近年才停止內戰,並剛加入了歐盟,所以國家真的很窮,旅遊業是絕對有待進步。
在匈牙利的廣場上,不斷有當地人取我們枱上的食物喝我們剩下來的飲品、問我們的團友討香煙來抽,我也知道他們十分貧窮。所以,我 們在機場辦理登機手續時,便要默默忍受那些服務態度「負分」的地勤人員為我們辦手續,在排隊過海關時,任由一批又一批的歐洲人插隊也只能感到無奈,我和A 小姐按捺不住,告訴一對預備插隊走到我們前面的夫婦,指「龍尾」在那裏時,竟聽到回應說:「龍尾這麼近,我們在這裏也沒有快很多。」 我感到他們厚顏無恥的思想已達登峰造極之程度,我們中國人是絕對比他們優秀。

房間地氈>  聽講潮流好多新裝嘅酒店都冇地氈了. 因為易於打掃。
五星級酒店> 星級唔係國際標準。五星我覺得唔一定有拖鞋提供囉. 又好似我度咁,有啲知名大酒店係冇星的,因為佢哋喺啲古老建築,符合唔到本地星級制度嘅要求。
取枱上食物> 好細好細時返大陸,第一次見呢個情況,以為只有好窮嘅國家先有.但係喺歐洲第一次見係喺意大利。奧地利,德國都見過. 文中唔知佢有冇求證過呢,西人樣唔一定係本地人. 好似旺角嘅丐幫,唔係本地人卦.
討香煙來抽> 呢個我度係好普通嘅一件事。啲人煙癮起又冇煙係會喺街問人攞煙食㗎。
服務態度「負分」> 歐洲人係咁啦.我仲見過酒店reception同人鬧交添。
插隊> N年前我喺Bratislava機場遇過. 啲本地人個個都時運高,睇唔到條隊㗎。

46 則留言:

  1. 酒店沒即棄拖鞋,絕對正確!夠環保。

    回覆刪除
    回覆
    1. 如果有我都會拎走,用到佢殘先唔要.

      刪除
  2. 以前物資貧乏,守秩序排隊真係會餓死,迫住要打尖至可以生存。

    回覆刪除
  3. 依家酒店有拖鞋既,相信一定係日本先咁.
    地氈就好多都仲有.
    問人攞煙真係全世界都有, 所謂煙酒不分家.
    服務態度, 顧客絕對唔一定是上帝 , 好多時d客根本就係少炳.
    打尖咪又係好多地方都有. 世界大同, 見怪不怪.

    回覆刪除
    回覆
    1. 我度就多數係啲畀你hea嘅酒店會有拖鞋.
      地氈我度好多都冇.

      刪除
  4. 我哩幾年,去過東歐多次,從未以遇見上面提到嘅嘢。
    歐洲酒店即棄拖鞋從來都無,俄羅斯就有此。

    回覆刪除
    回覆
    1. 取枱上食物東歐我未遇過.
      我度就多數係啲畀你hea嘅酒店會有拖鞋.

      刪除
    2. 國內無乎所有星無星級嘅酒店,
      都有附設一次性個人衛生用品牙刷,拖鞋,冲涼液...好齊備,所以網上以貼文不能盡,亦無為太認真對待。

      刪除
  5. 而家好多酒店都未必有拖鞋架, 去韓國, 佢地 shampoo & soap 都唔會有, 環保呀
    打尖, 我係巴黎都試過, 仲有人推住你過地鐵添, 為左唔倖錢
    不過才女要明白, 人地唔著之時, 又唔等於某D鄰近地區嘅人啱囉

    回覆刪除
    回覆
    1. exactly, 個作者又係想用臭蟲論為中國人不文明行為說項.

      刪除
    2. shampoo & soap奧地利兩星以下會冇.
      推人過地鐵我聽過巴黎係咁.
      冇錯,人哋咁做唔代表係啱.

      刪除
  6. 其實响瑞士响街上問人'借'煙士都係好普通既事, 個作者少見多怪.

    回覆刪除
  7. 這一篇報導我相信是附加入了他個人的偏見感情…如你說是沒有去和其它地方去比較!
    所以王子很有辯才,是做律師的料子。

    回覆刪除
  8. 我反而聯想到N年前王晶啲戲,係咪以為自己book咗麗晶酒店,其實係麗晶賓館
    所以叫東歐小經驗,經驗少。。。

    回覆刪除
  9. Yes, some hotels do not provide slippers for environmental reason.

    回覆刪除
  10. 係囉,唔一定有拖鞋提供,我度好多都無,聽講大陸所有酒店都有拖鞋提供,可能因為咁所以個作者以為外國嘅酒店都會有拖鞋提供
    大陸所有酒店都有拖鞋提供係因為個地下未必乾淨,有人話見過大陸啲酒店清潔工用掃把掃地毯,因無吸塵機
    btw,就算有拖鞋提供我都唔會掂,酒店啲野好多我都唔會掂,因以前有新聞爆料話啲酒店清潔工做野好求奇,總之表面乾淨就得,其實佢哋係一布走天涯,用同一塊步抹完廁所再抹個咖啡壺同玻璃杯(刷牙同飲水用嘅玻璃杯),就算係5星級酒店都係咁,驚驚! :p

    回覆刪除
    回覆
    1. 我講我度咋,唔知你度會唔會好啲
      真係驚就唔好掂酒店啲野,杯同咖啡壺肯定唔可以掂,最好連張床都唔好掂,就咁企喺度瞓 :))

      刪除
    2. btw我度清潔房間時係會打開門,有機會有人見到,可能會好啲。

      刪除
    3. 打開門都無用㗎,除非你跟出跟入睇住佢做野,如果唔係你都唔會知佢係一布走天涯啦 :p

      刪除
  11. 作者可能是參加了廉價購物團, 所以乜都扣分, 相信每處地方都有好有壞!

    回覆刪除
    回覆
    1. 係囉,佢咁好彩全部衰嘢都畀佢見到。

      刪除
  12. 去過東歐又未遇過喎, 不知幾舒服, 好想再去.

    回覆刪除
    回覆
    1. 佢咁好彩全部衰嘢都畀佢見到。

      刪除
  13. 人的修養比什麼酒店配套設施來得重要,有錢而冇品的人往往更令人覺得面目可憎....
    去旅行我又真係好少去計較住宿有冇拖鞋或洗頭水牙膏,最緊要係那處地方有乜嘢睇,遇到咩有趣人與事
    記得那些年去到聖彼德堡又係發現帶漏牙膏而酒店又無供應,咁咪自己行去對面超級市場買囉有幾難?唔會因為咁而嫌棄唔去果度旅行㗎喎

    回覆刪除
    回覆
    1. 自己行去買有幾難.....有時真係好難㗎。去啲地方乜舖頭都冇。

      刪除
  14. 無拖鞋,沐浴露等等無問題喎,因為我一向也是自己帶的,用如日本即使有也不會用,原封不動放回原處,除了部份亞洲國家酒店有提供外,沒有提供是很平常事喎.!
    地氈,無仲好啦,推行李容易D麻.
    至於取食物,咁我也未見過,就算上次去較冷門的巴爾幹半島國家,當中的波斯尼亞,塞爾維亞等也不是很富裕國家,也未見有此情況,咁可能我見識少啦, 那位作者咁好彩被佢見到,佢好彩囉. ....

    回覆刪除
  15. 我見識少... 東歐未去過...
    但係冇拖鞋,好多地方都冇啦,反而我覺得有拖鞋係亞洲酒店的特色...各地文化不同... 唔明點解經常要將明明係比祖國發展左嘅國家講到一文不值,以此去說明祖國點樣文明...追美趕美呀...而家幾不得了呀...幾有錢,幾有見識,幾文明唔係講嘅,連國產尿片奶粉都唔敢食唔敢用嘅國家,又有幾文明...汗

    回覆刪除
    回覆
    1. 亞洲酒店啲用品比較齊全。
      不文明邊度都有。

      刪除
  16. 我廿年前去東歐都無見過呢D情景喎...

    回覆刪除
    回覆
    1. 取枱上食物嘅人我覺得係由好東嘅東歐地方嚟。

      刪除
  17. 酒店提供的拖鞋,牙刷及沐浴露我一向也不用的,用自己帶去的,所以無,無問題。
    無地氈仲好啦,推行李方便D。
    取食物就未見過,咁可能我見識少,去既地方少啦。 

    回覆刪除

入咗嚟,不如寫幾隻字,留個言啦.