2016年7月10日星期日

Gang keow wan gai青咖喱雞

資源共享呢個觀念我覺得好好。好似我屋企附近嘅open library (係畀人放舊書嘅書櫃),你有唔要嘅書可以拎去,啱嘅你可以拎走。我時不時都去睇吓有乜書啱使。最近我攞咗本泰菜食譜。

書中相片土咗一啲,冇所謂啦. 試咗一個簡單嘅青咖喱雞。
400g 雞胸切條,一小樽竹筍切條,兩湯匙青咖喱,一罐椰奶,兩湯匙魚露,一湯匙糖(已減糖)。
五湯匙椰奶面頭嘅fat,同青咖喱加入鑊中煮。然後落雞胸同竹筍,倒埋餘下嘅椰奶。魚露,糖調味。上碟時放上九層塔同紅甜椒絲。
家中盆九層塔第二輪出嘅葉仲係好細,所以煮時我用咗乾貨。上碟時用basil代替。今次我醃咗啲雞肉先, 而有跟食譜嘅話會好甜,自己再調味㗎要。

34 則留言:

  1. 我地好多舊書都拎去d學校, 茲善機構, 但好多時我都就咁執入個袋度拎出垃圾房.
    呢次青咖哩幾似樣.

    回覆刪除
  2. 物盡其用好好呀!10個贊!
    書本幅相雞肉黃啲喎!比你白曬曬嘅更鈎起食慾,我估打黃燈影嘅,我會用些少老抽上色好睇好多。

    回覆刪除
  3. 應該有下次啦
    有時用唔著, 俾有需要嘅人都幾好, 好過扔左去

    回覆刪除
  4. 我無用嘅嘢,通常會放響門口,放個牌,俾人自己攞

    回覆刪除
  5. 唔知點解我對泰式咖哩不怎樣喜歡,可能是辣椒和椰汁成份較重罷,我還是喜歡馬來西亞咖哩多些!

    回覆刪除
  6. 咁你本書睇完使唔使還返去個open library度?
    青咖喱辣唔辣?以前朋友煮過青咖喱比我食,真係辣過黃咖喱好多好多

    回覆刪除
    回覆
    1. 一啲啲啦。工具書會keep。小說睇完我會拎返去。
      我嘅青咖喱唔太辣喎,唔知係咪因為係西人出品。

      刪除
  7. 200分喜歡交換舊書嘅 idea!! 日本就賣2手書,都OK... 但任喜歡嘅人攞就仲好!!

    回覆刪除
    回覆
    1. 2手書都OK,好過掉咗佢。我喺HK時我拎去旺角舊書檔㗎。

      刪除
  8. 屋企有時D書太多,又唔翻睇都幾好~

    回覆刪除
  9. 我整青咖喱要自己執材料,剩係將所有野切碎搞爛成咖喱醬都要一大輪,所以已經好耐無整。不過我過去幾個禮拜穿梭法國小鎮無啖好食,返到嚟都好想自己下廚整餐好野。

    回覆刪除
    回覆
    1. 乜你唔賣現成醬吖?
      又去法國??

      刪除

入咗嚟,不如寫幾隻字,留個言啦.