聖誕一二事

聖誕前派報紙嘅喺門口放咗個信封，好有誠意咁上面手寫咗祝君聖誕及新年快樂。好鬼似以前香港嘅財神到。識做啦.可惜佢遇着我,我訂嘅係期刊，下次都唔知幾時再派，我又未見過佢.睬佢都傻。

平安夜日頭冇嘢好做,去咗維也納附近一個鎮仔。喺墳場見到呢個自然景觀。

啲樹結咗冰。

啲冰係一條條的。

墳場中嘅聖誕樹。

跟奧地利人習俗，平安夜拆禮物。由遠方寄嚟嘅復刻版。話佢復刻因為好幾年前自己買了用卡嘅版本。

男人愛轉台. 平安夜冇好節目睇,轉轉吓....講廣東話嘅？！！！開心得太早,之後全部都係講德文的。

去子夜彌撒, 時間尚早，睇吓今年新嘅Weihnukka燈飾。(Weihnachten聖誕 +Chanukka猶太教嘅 Hanukkah)完全冇美感,似一支支煙仔.

返屋企時都已經過咗十二點半。呢個日頭好多人影相嘅樓梯，呢個時候完全冇人,梗係要影吓啦. 
香港國王子肯露面，簡直係聖誕奇蹟。