2018年5月7日星期一

國立圖書館650週年

噚日去咗國立圖書館嘅650週年開放日.
國立圖書館有幾個館,喺皇宮就有兩處。而我想睇嘅書庫初初唔知喺邊. 官網又冇開放日嘅資料喎. 最後網上搵到一個video話書庫喺Burggarten嘅地底(即係莫札特像嘅下面)。而最近就應該係呢個入口.

排咗廿幾三十分鐘,攞咗籌。仲有時間,去去另一個館睇吓一個好古典嘅閱覽室開唔開.可惜open day都唔開. 開嘅部份我又去過N次,無謂今日排隊再睇啦.
但係都有收穫。呢日首賣紀念郵票。
係時候等個guided tour開始。

 地下通道。百幾年前嘅設計,利用天然風口通風。
放index嘅櫃桶仔,學生年代好熟識。唔知依家圖書館仲有冇用?
運送圖書到counter嘅系統。
經過呢度. 啲人排隊印自己出生嗰日嘅報紙頭版。
到咗書庫.呢度收藏18XX年開始嘅書籍,期刊,報紙。


奧地利出版嘅書籍,雜誌,報紙, 出版社一定要送幾份去圖書館存檔。
所以咁大地方都怕唔夠位.
除咗將啲書數碼化,依家仍然會造微型飛林. 因為暫時未有共識N年後數碼化咗嘅書可以用乜作業系統讀到啲資料。
舊書你想睇, order咗,就會有人喺書庫搵畀你,由呢個過山車運到去counter.
最後介紹個滅火系統。呢度唔係用水(用消防花灑大家可以想像啲書之後會變成點),而係用氣體去減低空氣含氧度嚟滅火。但係仍然會夠氧氣畀人呼吸喎。

22 則留言:

  1. 幾百年歷史,真係值得參觀。

    回覆刪除
    回覆
    1. 郵票上嗰個圖書館值得參觀。

      刪除
  2. 數碼化咗可以電腦快速搜尋關鍵詞,冇做真係書報海撈針,啲長者過世後恐怕冇人查到。

    回覆刪除
  3. 最原始嘅文字可以保存幾百年,但先進數碼化唔知可以保存幾耐

    回覆刪除
  4. 而家圖書館應該用哂電腦啦

    回覆刪除
    回覆
    1. 我都廿幾年冇去過圖書館睇書.

      刪除
  5. 很有趣的圖書館體驗~~

    回覆刪除
  6. 好值得一遊,index box很有懷舊味,依家全部用電腦search....
    唔知王子出世果日有冇大新聞?

    回覆刪除
    回覆
    1. 見到個index box好似返咗學生時代。

      刪除
  7. 國立圖書館嘅650週年,咁即係13xx年已有圖書館,好古老喇喎,但都無古董野睇嘅

    回覆刪除
  8. 圖書館咁耐歷史仍那麼新 , 好值得參觀 .

    回覆刪除
    回覆
    1. 六百幾年我估係指成立時間,棟建築應該只有百幾年.

      刪除
  9. 肥人以前成日都去圖書館借書睇, 而家真係少左睇書...
    掛住打機同煲劇啦~

    回覆刪除
    回覆
    1. 我估我有廿幾三十年冇借書睇

      刪除

入咗嚟,不如寫幾隻字,留個言啦.