2021年1月15日星期五

茶餐廳沙爹牛麵

某日睇一位居日港人KOL整沙爹牛麵。佢用嘅醬料唔多已經話味道好似. 我都係睇吓專業師傅嘅食譜穩陣啲。

https://www.youtube.com/watch?v=3ksDaIsfPw0

約一大碗牛肉片浸出血水,然後滰乾。用一湯匙豉油,少少胡椒,一湯匙蠔油,一茶匙糖,三茶匙粟粉,半茶匙薑汁,一湯匙蛋液醃兩三個鐘.  之後落一茶匙酒,一茶匙老抽,一茶匙粟粉撈好.臨煎前再撈兩湯匙油。然後煎煎兩面備用(唔需要全熟)。

醬料>一湯匙沙茶醬,1/5茶匙蝦醬,1/5茶匙咖喱。

汁料>150ml 水, 半茶匙鹽,一茶匙豉油,一湯匙蠔油,半茶匙老抽,三湯匙糖(我覺得甜咗啲啲,落兩湯匙應該夠)撈好備用

乾蔥,蒜蓉,蔥白冇份量。我只係用一個細洋蔥同一半份量嘅蒜蓉就算)慢火炒香。然後落醬料炒香。饌酒。之後落汁料,轉大火煮滾,埋芡,熄火。最紅加入牛肉,用餘溫焗屬啲牛。

 咁耐冇食,仲認得係茶餐廳個味呀。

 

咁啱睇咗呢篇文章 >

沙茶醬的味道與身世

..............「沙茶醬」是二次戰後,來自廣東地區的潮汕移民將「沙茶菜餚」(沙茶粉、沙茶醬及沙茶牛肉爐)帶到臺灣的產物。沙茶醬在今日臺灣社會相當普遍,但實際上沙茶其實是個「舶來品」,其身世可追溯至南洋的「沙嗲醬」(satay or sate)。

在南洋地區,居民習慣將醃漬過的烤肉串在一起,沾沙嗲醬食用,是一種常民小吃,其醬料成分包括研磨成粉的烤花生、薑黃、椰奶、棕櫚糖、南薑、小茴香、胡荽子、羅望子、檸檬汁、香茅、蔥、蒜與花椒等香料,慢火熬煮而成。

南洋「沙嗲」如何轉變為「沙茶」?關鍵在於潮汕移民,閩粵地區素有「僑鄉」之稱,耕地狹小且人口稠密,居民為了追尋更好的生活條件,離鄉背井乘船出洋,大多前往東南亞。根據《海外潮人的移民經驗》一書,潮人下南洋的首次高峰在清乾隆與嘉慶年間,第二次高峰在19世紀中期,汕頭開港後興起「豬仔貿易」(契約華工),人口販子拐買潮汕華工至南洋等地。

當潮汕移民來到東南亞後,嚐到了當地的「沙嗲」飲食,濃厚香氣特別對味,當他們返回家鄉時,亦將「沙嗲」醬料帶回了潮汕地區並進行改良。首先,考量乘船遠行,潮汕人以油炒方式延長醬料保存期限。其次,潮汕人擅長處理水產海鮮,因此烹製過程添加了蝦米和扁魚等魚貨乾品,並加上華人喜愛的五香、果粉、薑黃與陳皮等中藥。因此,沙茶醬的顏色偏深褐且海味重 ...................

節錄自> 

https://opinion.udn.com/opinion/story/11664/5121026

 

 

 

24 則留言:

  1. 整多d,仲可以夾多士,有段時間我成日食沙牛多

    回覆刪除
    回覆
    1. 沙牛多我知有,但係鄉下仔未食過添。

      刪除
  2. 解吓思鄉病。 配杯凍檸茶。

    回覆刪除
  3. 你好叻,我見到咁多調味料就頭痛。

    回覆刪除
    回覆
    1. 我係煮完之後雪櫃多咗咁多醬料就頭痛。

      刪除
  4. 個色都好似呀,肥人尋日早餐就係食沙茶牛肉麵呢

    回覆刪除
  5. 我無沙茶醬, 沙嗲醬, 無得整 T-T
    上次返香港食左N次補數

    回覆刪除
    回覆
    1. 下次去亞超記得入貨。btw你度啲亞超有冇online shop嘅呢?

      刪除
    2. online 個D好貴架, 慳家C9唔會幫親

      刪除
  6. 嘩~ 我都好掛住沙爹牛麵
    睇材料其實唔難,但就係要在香港食先有風味 ~

    回覆刪除
  7. 有得食茶餐廳風味!
    又長知識!
    厲害!

    回覆刪除
  8. 作為香港人,我係冇食過!失禮!

    回覆刪除
  9. 嘩!將來在外國生活實要攞返嚟睇先!

    回覆刪除
    回覆
    1. Google,yt唔摺,應該好易搵到食譜嘅。

      刪除
  10. 仲可以沙爹牛撈丁,沙爹牛治,沙爹牛飛碟,沙爹牛蛋包飯....etc
    九龍城街市上面有檔賣沙爹牛西多....好好食!

    回覆刪除
    回覆
    1. 沙爹牛西多...到我唔係好接受添。

      刪除

入咗嚟,不如寫幾隻字,留個言啦.