マシライス

網上嘅日本電視直播回魂，又可以睇喇。
某日轉轉吓台見介紹好多日本人都唔理卡路里爆燈，食得好肥。就好似呢個飯マシライス。
唔健康=好好味.好想試喎.即刻搵嚟食譜。
http://r.gnavi.co.jp/g-interview/entry/gohan/2839

參考份量> 2kg 豬絞肉，150 ml 麻油，50g 蒜蓉，50g 指天椒，800ml 豉油，50g (可能係) 味精，250g 糖，豬背肥膏。
當然我冇煮咁多啦. 只用咗375g 豬絞肉，30ml 麻油，9g 蒜蓉，適量辣椒碎，150 ml 豉油，30g 糖。走味精走肥膏。
豬肉炒熟備用。麻油爆香蒜蓉，豬肉回鑊，落辣椒碎，豉油，糖。煮至收汁.
加個生蛋黃，滑滑的。好送飯。推介。