2018年4月23日星期一

文明大倒退?

以前講過奧地利嘅垃圾分類有好多種。 我跟唔足都有五種。但係四月開始少咗飲品盒嘅類別。係文明大倒退?
(圖中係以前飲品盒嘅處存盒,每月收兩次, 喺指定日子放喺大廈外出,朝早會有人收走)

其實唔係倒退,(我估係節省人手or學德國) 啲盒依家放喺膠樽回收箱,喺垃圾場會有機器分類。
講開膠樽回收,呢度又真係好死板,膠樽真係只樽狀。如果係蔬果有PET嘅膠兜,都唔可以放回收箱的(N年前我被三唔識七嘅本地人教訓過, 我再確認過垃圾部門 ),要當家居垃圾焚化。(嘥咗可循環再用PET)
另外我冇跟嘅分類係有機垃圾,因為儲喺屋企一陣味. 最近喺電視有關當局叫人有機垃圾唔好連埋膠袋一齊放回收箱。呢個係常識吧。乜有啲人咁冇腦(可能貪方便,用膠袋包好拎出街嘅回收箱揼)。

28 則留言:

  1. 可能部剪碎機設計上承受唔到各式各樣嘅蔬果膠兜,會成日jam機,類似碎辦公室紙機jam機情況呢!

    回覆刪除
  2. 香港有排都跟唔到😥😥

    回覆刪除
    回覆
    1. 香港冇地方,好難分類得咁仔細。

      刪除
  3. 如果有人完全唔買飲品,咁又點計?
    你指有機垃圾係邊d?

    回覆刪除
    回覆
    1. 係自願分類,唔使交特別嘅垃圾費。
      可以天然分解嘅植物。

      刪除
  4. 我地一星期收一次, 而家我會將生肉例如骨包好放番入雪櫃, 唔係個垃圾桶臭到呢...

    回覆刪除
  5. 中國人煮食嘅廚餘根本就唔可以放屋,特別香港,放半日已經好臭。

    回覆刪除
  6. 我哋都有垃圾分類,一星期一次回收濕的。乾的和花園野就兩星期一次。家家門口有三個大大大垃圾桶,好核突架。

    回覆刪除
    回覆
    1. 奧地利住house嘅都係咁,門口有幾個大垃圾桶。

      刪除
  7. 遲啲…回收業可能大加價,那時,相信環保更加會大倒退,這是因為大陸已部分不接受洋垃圾了!

    回覆刪除
  8. 香港真係倒退啦,N年前香港公屋係收廚餘,俾新界農夫餵豬
    但依家無咗喇

    回覆刪除
  9. 香港真係有排都跟唔上呀, 回收意識又低~

    回覆刪除
  10. 有啲果汁嘅紙盒入面有層野嘅咁屬於係咩類別呢

    回覆刪除
    回覆
    1. 咪係飲品紙盒類囉.依家我呢邊放入膠樽回收箱。

      刪除
  11. 我度都係,屋企嘅塑膠玻璃容器廢紙紙皮廂都放同一個回收箱,分類回收箱係外面先有,膠袋要自己拎去超市門口嘅膠袋專用回收箱
    有機垃圾我放喺冰箱,有啲人會買個可防蟲防臭嘅compost bin,你唔想花錢買可以學我放冰箱,用個雪糕盒裝起佢,儲夠倒落回收箱,返屋企沖吓個盒可以再用

    回覆刪除
    回覆
    1. 膠袋都可以回收又幾好喎.我呢邊冇.
      有機垃圾我唔會咁做啦.個回收箱要行一個街口先有.通常都係出開街先拎啲玻璃,膠樽,鐵罐去回收。

      刪除
    2. 原來你度無膠袋回收,不過都唔緊要啦,而家買野會自備購物袋,無得用免費膠袋做垃圾袋喇
      吓?乜你間大廈內無回收箱㗎?咁有機垃圾又話唔好連埋膠袋一齊放回收箱,咁啲人點拎住咁污穢嘅有機垃圾行一個街口呢?用報紙包住一齊放回收箱得唔得?

      刪除
    3. 大部分大廈只有家居垃圾箱同廢紙回收箱。其他都要拎出街。

      刪除
  12. HK我諗暫時都幾難分得仔細,做好啲分紙/膠樽/金屬/玻璃先啦

    回覆刪除
  13. 有機垃圾放入回收箱擺明貪方便啦~
    太仔細真係好難分,盡力而為吧

    回覆刪除
    回覆
    1. 誤會了。呢度係有回收箱收有機廢物如蔬果,枯葉的。
      我都係盡力啦,屋企冇咁多地方分得咁仔細。

      刪除

入咗嚟,不如寫幾隻字,留個言啦.