2018年4月7日星期六

Sick Leave

講開sick leave,有統計話奧地利人大約一年攞13日病假。

奧地利呢度你一病,個個都叫你唔好番工,唔好傳染畀啲同事。唔似香港咁病到CC吓都要開工,放兩日sick leave老細已經畀面色你睇.
而我今年病假已經多過呢個平均數。
話說入冬我已經病咗三次. 最近呢次仲放咗兩個幾禮拜添。
呢次係細菌感染,喉嚨發炎。食抗生素期間因為帶菌唔可以返工.  但係食咗一個禮拜藥冇效喎(呢個當然啦,香港人食咁多抗生素,乜病都冇效啦),  醫生話隻藥已經好強,唔再開藥方畀我,由得我自生自滅。仲話唔好旨意嚟梗個星期可以返工....於是又放多一星期sick leave.
而呢度sick leave第四日開始你嘅人工係保險畀,所以你放耐啲僱主都唔會詐型㗎。

38 則留言:

  1. 咳,有時需要長時間才可痊癒。保重。

    回覆刪除
  2. 此留言已被作者移除。

    回覆刪除
  3. 保重呀,要介下煎炸生冷會快啲好。

    回覆刪除
  4. 我地食得太多抗生素, 呢度啲藥點夠黎
    係香港放幾日 sick leave, 唔知老細詐型, 同事都懷疑你呀

    回覆刪除
  5. 各地SL嘅標準唔同,喺香港,你呢啲係小病,病得黎仲有工作能力,唔翻工叫咋病蛇王。

    呢個員工福利制度真係會飬懶人,如果喺某些地方推行,保險公司一定陪到破產。

    回覆刪除
    回覆
    1. 呢邊嘅諗法係啲細菌惹咗其他人,咁工作能力就因你而大大降低。
      保險懷疑你呃假係會派人突擊探訪你㗎,仲邀請你去指定醫生再檢查一吓.

      刪除
  6. 嘩! 冇藥食! ... 每一小時鹽水潄口一次, 試試吃點枇杷膏 ...

    有保險打底老板唔乍形比香港好多了!

    回覆刪除
  7. 太耐唔係好記得....
    以前喺香港,我在一間日資公司做事,做滿一年以上就會有累積病假,好似最多可以有百幾日病假,當然啦呢啲都係保險俾。
    但如果真係咁放法,老細自然就會搵藉口去炒你!

    回覆刪除
    回覆
    1. 百幾日病假一定係大病。

      刪除
    2. 我好驚訝日資公司竟然比咁多病假,不過啲日本人唔會咁輕易請假,佢哋打風地震都照常返工,世界上無野可以阻止到日本人返工㗎

      刪除
  8. 無乜事麻...病都要好好休息,
    食藥唔好,應該同香港人身份無關,喺咪你去咗維也納身體弱咗!

    回覆刪除
  9. 小病是褔。 英國頭7日免醫生紙,第8日就要醫生紙,醫生寫放幾耐就幾耐。

    回覆刪除
  10. 你係間唔中都會病,定係今年特別多病?
    新聞都話今年啲菌特別勁, 我真係好耐無細菌感染嘅病,但今年竟然感冒咗,但我都無睇醫生,迫自己飲多啲水,休息多啲,拍幾粒蒜頭,幾日就好返
    你都係唔好食抗生素喇,蒜頭就係天然抗生素,發病初期食啲生蒜頭(一定要生食),可以加牛油搽落麵包整蒜蓉包,又好味又可治病,另外發病初期都可以拍幾粒維他命C,好快會好返

    回覆刪除
    回覆
    1. 今冬特別多病.
      生蒜頭會好口臭喎.

      刪除
    2. 車,我見你啲食譜都有用到生蒜頭啦
      咁你寧願口臭定食埋啲又無用又傷身又有後遺症嘅抗生素吖?
      都有好多辦法去口氣㗎嘛,自己搵啦
      btw,食抗生素要同時食發酵食品例如乳酪,kimchi,補返啲益菌,如果你之前無食就快啲補返喇

      刪除
    3. 乳酪耐唔耐我都會食喎.

      刪除
  11. 放耐啲僱主都唔會詐型<====咁同事呢?
    估唔到你仲潺仔過魚,你快啲多啲同佢取下經先啦XXXXD
    又或者多啲做果啲無器械keep fit

    回覆刪除
    回覆
    1. 同事真係好urgent嘅先會同你跟。
      佢睇中醫我係唔會去㗎。

      刪除
  12. 一年攞13日病假. I want to work in Austria.

    回覆刪除
  13. 王子唔好食咁多煎炸嘢....保重龍體呀!

    回覆刪除
  14. 你地就好啦....有時我都想放多一日半日病假可惜都無~
    有病真係要好好抖下架嘛..唉~

    回覆刪除
    回覆
    1. 肥人公司一年只有6日病假, 肥人應該用左一半都無...HAHAAA

      刪除
    2. 身體健康最緊要,唔好恨呢啲假。

      刪除

入咗嚟,不如寫幾隻字,留個言啦.