療養

嚟Bad Traunstein係因為利用（不是濫用）奧地利退休保障嘅一個福利。
當你呢度痛嗰度痛，到了一個年紀，醫生會建議（or 你主動建議醫生去建議）去療養酒店。退休保障會支付大部份費用。退保批就可以名正言順放三個星期sick leave去療養。
此目的係希望你健健康康返去工作崗位 or 健健康康過退休生活。

退保指定嘅療養酒店遍佈奧地利。揀呢間因為友人話呢度膳食好.(我以前去過嘅啲嘢唔好食的）
自付費三星期只係175歐，包三餐。計起上嚟同自己煮嘅使費差唔多. 
餐有四道菜，主菜四揀一,全都計好晒卡路里。有時主菜啲餸唔啱食,我只揀冇鹽蒸菜配飯. 真係從未如此食得咁健康過。

嚟到首先要見駐酒店醫生。佢會按你嘅病況安排活動畀你。我就有人手按摩，水壓按摩，電療，泥漿浴，器械操等。

水壓按摩公價居然貴過人手按。圖中係水壓按摩張水床。

並唔係所有服務保險都包。好似呢個急凍室就要自付。酒店想你買呢個療程所以有一分鐘試用.
醫生首先同你量血壓。然後包好耳鼻口手腳,僅穿泳裝。入去零下十度過冷河, 之後就係零下110度. 喺密室度要不停郁。試用只有一分鐘已經冷到我揗揗震(正式嘅要stay三分鐘)。呢個急凍法話對週身骨痛好喎, 但係副作用係令血壓升高。上下壓我升咗十度呢.

另外唔知係咪因為嚟呢度大部份係老人家, 晚飯下晝五點半開始。 
咁早食完飯唯有享受吓大自然啦. 酒店周圍都係麥田.

酒店都有活動搞。好似有跳老舞啦.