2015年5月2日星期六

膠袋徵費

香港新嘅膠袋徵費我睇見都覺複雜。呢邊簡單好多,但有時我都唔知邊啲要邊啲唔使錢.   不過2019年起歐盟乜膠袋都要收錢, 只有薄過0.015mm嘅蔬果膠袋括免。

據報導,奧地利係歐盟中膠袋用量最低嘅第三位.每人每年只係用51個膠袋 (愛爾蘭同盧森堡只係18 個咋). 相反,波羅的海三國,波蘭,葡萄牙,斯洛伐克,斯洛文尼亞每年每人用466個膠袋。(我去波蘭入貨時真係好似以前香港咁收咗好多好多膠袋㗎)  可能奧地利人慣咗時時都BYOB啦(定係孤寒唔想買膠袋呢?),仲有呢度好多活動都有免費布袋攞. 而呢度派嘅布袋仲開始標榜係fairtrade and/or 有機添. 
下圖呢個就係fairtrade &有機喇.
Btw早十幾年香港開始有嘅不織布袋我呢邊好似未興過. 唔知係咪因為其實都係膠袋呢?
Nonwoven polypropylene is a recyclable plastic fabric often used to make promotional tote bags. Read more: http://www.qualitylogoproducts.com/lib/what-is-nonwoven-polypropylene.htm#ixzz3YdmcUYtO

48 則留言:

  1. 香港膠袋收費真係好複雜.

    回覆刪除
  2. 我度係似「買膠袋」,亞超土超就會送膠袋

    回覆刪除
  3. 政府唔識立法,搞到好鬼複雜啦!好似啤香蕉皮畀人踩咁,應該設熱線等啲商户有得問,唔駛中招。

    咁你咪日日都有帶套,好安全。

    回覆刪除
    回覆
    1. 隨身都有架.但係有時漏o野,搞到要事後補救。

      刪除
  4. 大部份人去超市都自備袋; 去市場就檔檔都比膠袋,檔主好快手,磅好袋好,收錢,唔好阻佢做生意。
    香港新規例剛開始,混乱難免,不過,香港始终意識高,快人幾步。

    回覆刪除
    回覆
    1. 檔主好快手>> 呢個係呀,我要叫快快阻止佢入袋架。

      刪除
  5. 我呢度只一間超市收膠袋費。
    但都有很多人自備購物袋的!

    回覆刪除
  6. 我好怕用不織布, 手感好污糟咁.
    但我好早買野已好少要袋,連紙袋都唔想拎, 有野出去買, 必定拎個大袋, 一袋過, 又唔會一袋二袋費事跌.

    回覆刪除
  7. 我呢度都係, 大家帶哂購物袋買野, 習慣左, 無咩問題

    回覆刪除
  8. 不織布即喺超級膠袋,一個等於廿個普通背心膠袋,香港膠袋收費唔複雜,只喺大家無深入了解,而且以訛傳訛,記住入到水的預先食物包裝、例如:如方包袋用條鐵線紮住……咪入到水,雪櫃食物,可以用免費膠袋,其他全部要收費,用紙袋咪乜事都無喇!

    回覆刪除
    回覆
    1. 無預先包裝食物一樣亦可以用免費膠袋……!

      刪除
  9. 依加出街都會帶定環保袋

    回覆刪除
  10. 帶購物袋,移民廿年嘅老友一早就教曉啦!能夠認識益友真係有褔。

    回覆刪除
  11. 呢邊超市會問你要唔要袋或者你自己主動問佢攞(買)。初時要畀錢買嗰種係又薄又難聞biodegradable 膠袋,簡直係廢嘅,喺cashier 未pack 好啲嘢個袋已經被cornflakes 及其他盒裝嘅嘢篤穿咗。

    回覆刪除
    回覆
    1. 我呢度畀錢買嗰種幾實淨㗎。

      刪除
  12. 香港的膠袋收費堅複雜...好易令人中伏....

    回覆刪除
    回覆
    1. 上邊一位blog友教咗,其實又幾易記。

      刪除
  13. 我度唔係每個州每個city都要比膠袋費,我住嗰度就要,兩三年前開始,但超市內嘅蔬果膠袋括免,農夫市場買野都有免費膠袋

    回覆刪除
    回覆
    1. 我覺得你度興用紙袋。

      刪除
    2. 有啲超市會提供兩種,所以收銀員第一句會問你paper or plastic,我以前通常會話both,因怕紙袋易穿,加多個膠袋容易挽
      而家我去開嗰間只有紙袋,但已習慣自己帶布袋lu

      刪除
    3. 我去開嗰間如果自帶購物袋,每個袋會有$0.05回贈,有啲其他超市都會咁,但就唔係間間都係囉

      刪除
    4. 你真係吖,有膠袋就唔好要人個紙袋啦.
      回贈又幾好喎.

      刪除
    5. 哈哈,我當時係用啲袋嚟做垃圾桶,紙袋可以幫手"定形",唔會無啦啦自己合口,方便啲嘛,我見朋友係咁咪學佢囉,不過都係好多年前嘅事喇,而家我咩袋都無要喇 :p

      刪除
    6. 幫手"定形"又真係好辦法。

      刪除
  14. 香港唔實施唔得...的確有舖頭,人客極之濫用膠袋~~

    回覆刪除
    回覆
    1. 實施咗希望有助減少濫用啦.

      刪除
  15. 買食物冇膠袋較容易適應 , 但最麻煩係買衫冇膠袋 , 因為有時行街冇諗住買衫 , 就唔會帶定購物袋又唔可以放入載過餸的購物袋裡 . ( 有排先適應呢樣了 )

    回覆刪除
  16. 不織布袋喺澳洲的supermarket 都有, 但要比錢的。
    其實咩膠都收係最簡單, 但你知香港人係要時間去消化, 有d 就話知你。

    回覆刪除
    回覆
    1. 咩膠都收真係最簡單,減少坳撬。

      刪除
  17. 有機布袋係咪棉質定麻質?

    回覆刪除
  18. 最唔鍾意不織布袋, 收到都盡量快d送走佢.

    回覆刪除
  19. 少咗膠袋, 各式環保袋應運而生!

    回覆刪除
  20. 香港真係麻鬼煩,果頭話徵費,D屋邨就繼續每月大派膠袋⋯
    我都唔明身邊有朋友點解話唔夠垃圾袋用,只係將平時買野既膠袋儲下已經有好多個垃圾袋啦!

    回覆刪除
  21. 我住CARDIFF已推行膠袋稅,除左薄薄蔬果袋唔收費,其餘一律徵。

    回覆刪除

入咗嚟,不如寫幾隻字,留個言啦.