睇垃圾

唔再介紹吓維也納，我估大家會以為我唔喺維也納住。咁新遊記押後先出啦.
最近有間舖頭新開張。市政府負責收垃圾嘅部門主理。全店都係賣垃圾嘅。

垃圾分咗十大類. 有衣服，書籍，食具，玩具，體育用品,工具，電子產品,傢俱，DVD＆CD， 樂器。全部都係仲用得嘅。

呢個section好似去咗書店咁.

奧國陶器名牌. 價錢好抵。

男裝西裝嘅價錢可以喺連鎖店買新嘅。唔抵。

玩具我都去睇吓.

嘩嘩嘩！手臂咁高嘅只係5歐咋.真係心動想帶佢返屋企。但係諗諗吓都係唔同細路爭。

店內有啲up cycle嘅可惜係非賣品. 
好似呢個泊單車架.

旅行篋茶几。

浴缸梳化。

佢其實不嬲喺市郊都有間舖，因為唔就腳，我一直都冇去.
如果有以上十大類嘅嘢唔要,喺各區嘅垃圾站都有特別收集箱。但係佢哋轉賣得嚟嘅收益冇講點用. 唔知係咪員工啲下欄錢呢?