2011年8月27日星期六

又有新罐

有日行街突然落大雨. 入去市中心嗰間高檔超市避避啦. 咁又畀我搵到嘢買喎. 呢個係德國出125年特8. 2,45一罐. 咁貴. 心諗我喺德國買好過. 但係醒起德國超市冇罐裝可樂喎. 逐間士多去搵又未必會有. 買啦,咪當喺餐廳飲囉.

2011年8月26日星期五

感恩節

感恩節好似早咗啲. 奧地利啲農民興有感恩活動. 最近喺皇宮個英雄廣放咗個Schweigginger Erntekrone皇冠.

2011年8月25日星期四

Film Festival 2011

一年一度Film
Festival
差唔多去到尾聲.因為之前天氣唔係太好,一直都未去八吓.嗰晚去完個Kirtag順便睇吓.



好多人水洩不通.
 

 

2011年8月24日星期三

澳「走繩」專家 挑戰阿爾卑斯山

【本報綜合報道】冒着冰霧在雪山之間走繩索,聽落都覺得恐怖,不過一名來自澳洲的走繩索專家便成功締造這個創舉。這名極限運動「走繩」(slacklining)的專家,赤裸上身及赤腳在懸崖間踩繩走過,腳下是無底深淵,讓人也替他心驚膽戰。幸而他安然走到對面,這個玩命之舉最終圓滿成功。

索長150呎 2600呎高空架設


年僅廿三歲的走繩專家克梅達(Michael Kemeter),日前登上奧地利最高山峰、阿爾卑斯山的大鐘山峰,在二千六百呎高空架設繩索,冒着迷濛冰霧,展開玩命挑戰。繩索架設於兩個山峰之間,全程長約一百五十呎,儘管繩索經過特別強化,但因雪山凍土正融化,隨時有石塊跌下甚至滑坡危機,令難度大增。

即使克梅達有安全索繫身,旁人看他走繩仍覺一步一驚心。不過他對這類極限運動經驗豐富,行到中段時,還示範跪在繩上的高難度動作,又大擺甫士拍照。為減低風阻及身體重量,他決定赤膊上陣,更赤腳在不足一吋闊的繩索上行走。完成創舉後,克梅達興奮地說:「今次高山走繩是全球最棒的,遲些可能會有其他人來挑戰,但率先做出創舉的人是我!」

Oriental Daily  18 Aug 2011



2011年8月23日星期二

仲有嘢未睇過

放暑假維也納好似靜咗好多,冇乜活動.咁去行吓我個後花園啦.去咗咁多次麗泉宮原來都仲有嘢我未睇過.


2011年8月22日星期一

Eierschwammerlgröstl



呢種奧地利德文Eierschwammerl德國叫Pfifferling菰依家當做.
都幾
貴吓架但係好香(可惜呢次唔香)好食架
.


2011年8月21日星期日

Neustifter Kirtag

維也納香港同鄉會又多咗位新成員.星期五就約埋去八吓個Neustifter
Kirtag.



2011年8月20日星期六

月餅

同鄉收到香港物資.送咗個畀我.係我至愛嘅品牌.第朝當早餐,差唔多成個食晒.


月餅我鍾意食,特別係四黃蓮蓉月.而呢個品牌啲黃多數流油,正!
講講吓其實我可能係鍾意食鹹蛋喎
.

2011年8月18日星期四

腸粉

有位blog友個blog成日都出現腸粉.街邊腸粉係我飛佛,真係唔低得.咁就搵吓食譜自己整. 搵到下面呢個微波爐版.啱晒我, 我冇咁大個架撐去蒸.

蝦米我一定唔落,因為我買過一次呢度啲蝦米,臭架!!初初都係試吓齋腸先.試咗幾次.終於試到我個微波爐要叮2:20.但係一次只係叮到一條隻半手指size腸粉.要好似我以前食5蚊腸粉嘅份量都幾花時間.
見另一個blog話落海鮮醬食.我又試啦.....我今日先知海鮮醬即係腸粉甜醬,哈哈哈.
搵日睇吓有冇麻醬賣先.

呢個微波爐腸粉唔滑,所以唔會用呢個方法整酒樓啲蝦腸.


2011年8月17日星期三

雪糕進度報告

就咁影雪糕好似單調咗.呢次開次雪糕有埋伴碟架.

蜜瓜唔知典解有苦味
.就咁食蜜瓜冇個喎
.

2011年8月16日星期二

泰國母親節

噚日係公眾假期,中午仲好好天.咁駐維也納外景隊又出動喇.
呢日泰國旅遊局搞咗個活動話慶祝泰國母親節(checkwiki,泰國母親節係812).其實泰國旅遊局呢幾年每年都有搞活動.但係佢哋都好環保,2009banner仲攞嚟用.

2011年8月15日星期一

巴士




講開公交冇冷氣.但係維也納巴士有啲都有冷氣喇.不過啲人都照開個窗仔囉.都唔知係咪啲人唔受得.巴士咁好設備我懷疑係有啲路線外判咗有關.
另外巴士一定有個BB車位架.

2011年8月14日星期日

冇好嘢

呢度報紙有關香港嘅新聞通常都冇好嘢.呢篇係今日登世界新聞.大家可能已經知,唔使我多講.







2011年8月13日星期六

塑化劑菠蘿包

見仲有好多豬油,咁試吓整菠蘿包睇吓會唔會好味啲啦.
見又有罐台灣紅豆.咁就整菠蘿紅豆包.罐紅豆我好懷疑有塑化劑架.但係冇有怕.

2011年8月12日星期五

豬絞肉

最近睇烹飪節目,佢講開點解奧地利冇豬絞肉賣.原因係少人買,豬肉又比較肥容易變懷. 但係....噚日居然見超市有得賣,嚟咗幾年第一次見.即買啦.一半用咗蒸梅菜肉餅.呢度買嘅呢包梅菜味道都OK.另一半豬絞肉整咗呢塊黑炭......


2011年8月11日星期四

有幾熱?

今年熱嘅日子好似唔多.我連玩具風扇都未開過.呢幾日都時晴時陰,得十幾廿度.嚟梗幾日天氣好番啲.咁睇吓點....

之前熱嘅日子都試過三十幾度架.咁搭車有幾熱呢.以下係唔同地鐵線車箱溫度.

2011年8月10日星期三

熟識旋律

警告>本篇涉及成人內容,家長請陪同小朋友閱讀.
有日電視廣告傳嚟熟識嘅旋律. 一望,C.

2011年8月9日星期二

茶葉蛋

早前喺中國人超市,見到呢包茶葉蛋香料,有啲猶疑買唔買好.因為獨立去買香料一大pack又唔知整乜好.大陸出品又驚佢加咗人工香味......又唔係成日食,又想玩......買啦.
  
佢話係香港公司,可能係大陸啲假港貨.大家有冇見過?

2011年8月8日星期一

2011年8月7日星期日

執書

上星期維也納最大一間專賣英文書頭執笠大清貨.袋裝書只係€3,其他書都係
5
-€10
.

2011年8月5日星期五

72個鐘


我知奧地利啲頭只可以一星期開72個鐘.但係唔明星期六大部份頭都開全日,而藥房只開半日.睇咗呢篇報導,原來法例規定藥房星期六只可以開半日架咋.

2011年8月4日星期四

Wienerwald維也納森林


早早早前有人請食飯.近近地去咗屋企附近間Wienerwald.
Wienerwald
係連鎖食肆,專營奧地利菜.屋企附近呢間比想像中大.

2011年8月3日星期三

中西叉包


再接再厲,又整叉燒,又留啲整叉燒包.用鬼佬蒸煱.但係我好怕會有倒汗水滴落啲包度.濕咗水包好難食架嘛.咁啱最近睇電視學咗呢個方法.幾好.

2011年8月2日星期二

維也納炸豬扒


blog友大懶虫小肥A
blog
聚時講開佢想食奧地利名物維也納炸豬扒.咁當然介紹佢去炸豬扒名店Figlmüller.

呢間嘢好有名氣,開業超過100.我去過一次覺得佢好正.
佢時時都好多人等位架.最好訂咗位先or避開peak
hours.

得到blog友同意.分享吓佢啲相先.
大家見啦,綠色嗰間.
(
唔知佢幾點去,已經見有人等).

2011年8月1日星期一

送禮,自用


blog友無聊鬼無啦啦送嘢畀我,真係有啲唔好意思.都係送番啲嘢畀佢.文具我估香港都有.咁就cheap
cheap
買咗以下呢啲.除咗手鏈,都係德文架.
SpongBob Schwammkopf .