2010年8月31日星期二

雨中Waldviertel pur

噚日朝早去睇醫生.大家唔使擔心.我唔係有病.只係想用盡個保險啫. 點知去到未開門喎.原來開下晝. 又唔想返屋企.好彩維也納成日都有活動.呢日喺皇宮就有個Waldviertel pur. 可以攝時間.

2010年8月30日星期一

Stammersdorfer Weinfest葡萄酒節

我好留意維也納有乜活動(CC). 而德國朋友噚日最後一日喺維也納.咁我提議去維也納北面市郊嘅Stammersdorfer Weinfest.

Weinfest係葡萄酒節咁解. Stammersdorfer呢度好似一條鄉村咁. 啲屋都係矮矮嘅. 大街兩旁都係Heuriger.

2010年8月29日星期日

黐飲黐食

心急出個麥記試食報告,搞到同一日嘅嘢要分兩篇blog.

噚日德國朋友約咗我4點幾teatea. 我哋去咗我飛佛cafe, Aida. (因為對我嚟講唔係新鮮嘢,唔影相嘞.)

之後係大教堂附近行吓. 未到6點佢哋已經話肚餓囉喎. 但係我仲好飽播.諗住晚餐食佢哋隻車家嘛. 佢哋揀咗去呢間人氣店Zwölf Apostelkeller (www.zwoelf-apostelkeller.at).

2010年8月28日星期六

試咗麥記春卷

啱啱介紹完麥記Asia Weeks.今日出街咁啱又經過麥記喎.咁就不如試吓佢個春卷啦.

睇見個盒咁細已經好失望.

2010年8月26日星期四

晒冷

今日係我期待嘅日子.因為今日去超市買衫.冇錯,呢度嘅平民百姓都好興喺超市買衫.我都join埋一份咪係因為Simpsons. 啲襪唔係平.有時1歐都買到(H&M減價都係1歐啫).底底買過一次. 著兩三次就爆開.並不是我某部位大,而係車工唔得.

2010年8月25日星期三

一天男伴遊

德國朋友嚟維也納. 我提議幾個地方佢哋遊. 大家同意噚日遊船河. 呢個船河要預先book,冇即日票.可惜天氣我哋預測唔到. 呢日落雨.

2010年8月24日星期二

有朋自近方來

德國朋友嚟咗維也納. 佢哋唔係第一次嚟,我冇需要做導遊,我只係黐飲黐食. 禮拜日帶佢哋去Döbling行一轉.

2010年8月23日星期一

職位空缺

之前有一篇講過失業率同好多德國人嚟呢度搵工.咁奧地利有乜工好做呢.最近又見有呢篇報導關於職位空缺. 最多工當然喺首都(Wien = Vienna).


2010年8月22日星期日

Döbling葡萄園

噚日一早諗住去一個活動,搭搭吓車覺得唔對路,因為冇乜宣傳. 好彩睇吓個年曆卡,原來係下個月.

維也納週末唔驚冇節目,即刻轉移目的地去咗市郊Döbling.

2010年8月21日星期六

新移民聚居地





最近睇咗一個統計有關奧地利新移民聚居喺邊.

之前講過奧地利最多新移民係德國人. 佢哋多數都係住喺奧地利西面啲旅遊區. 因為好多都係做旅遊,服務業. 好似我遇過都係喺餐廳工作. 有時聽口音都知佢哋係德國人.

土耳其人同前南斯拉夫人好多都住喺維也納. 所以我覺得喺維也納真正奧地利人冇想像咁多. 咁又有一個問題出現,就係非遊客區英文唔係咁普遍. 因為好多人第二語言係德文.

2010年8月20日星期五

雜貨舗

話就話唔鍾意去中國人開雜貨.但係有啲嘢中國頭先有.

噚日經過一間入去睇吓. 見到....波霸粉糰....

即係我搵咗好耐珍珠奶茶珍珠. Check吓有效日期(呢度一定要check!),仲有一個禮拜到期.冇買.

當然唔會兩手空空出嚟啦.買咗...大家自己睇. 依家先留意罐炸菜有德文架. 呢度total洗咗7歐幾. 諗諗吓覺得幾貴. 而大陸出某品牌撈麵我第一次喺維也納見. 1.80 euro一盒.唔知大陸賣幾錢?

2010年8月19日星期四

薯角

睇咗T&P 薯角,我想整好耐.但係見屋企啲薯仔丁咁大粒,一直都冇整. 最近超市薯仔特價,唔使0.5 euro已經有2kg. 揀咗啲大隻出嚟整薯角.

第一次我太心急,未夠時候就攞嚟食.唔脆不特止,仲辣親個口添.第二日又整過,呢次焗耐啲就脆喇.

2010年8月18日星期三

海綿寶寶新波凸

噚日心血來潮去睇吓有乜糖買黎食.真係又畀我見到有新波凸,係海綿寶寶呀.橡皮糖真像橡皮,咬唔開架.另外出奇蛋同波板糖只係新瓶舊酒.改咗包裝就呃到我買.


2010年8月17日星期二

萬眾期待

禮拜睇咗以下呢篇有關香港報導.

香港導演Christopher Sun(冇中文名我唔知佢係邊位)開拍3D''. 有日本男女優擔正架. 大家期唔期待呢?  但係幅相呢位3D咗都未必立體喎.

而呢篇報導又會唔會令奧地利人以為香港係三仔四仔王國呢?
不如香港正苦將佢納入埋第n個產業. 咁啲靚模多條出路.





另外我想知香港遲啲睇3D唔提供眼鏡.咁即係點呀?唔買眼鏡係咪冇得睇架?唔明.

2010年8月16日星期一

Streetfestival

星期六又係一年一度Streetfestival. 呢個活動同最近德國搞出人命Loveparade類似. 當然我呢邊安排好好多啦. 我估其實係人唔係太多有關. 話說只有15,000人參加.

2010年8月15日星期日

服務態度反面教材

上一篇講服務態度. 今次有個反面教材. 最近喺維也納呢度申請嘢經歷簡直嬲爆.
話說申請呢樣嘢要喺個excel file填啲資料數字.但係個programme好有問題,個加數唔識加又改唔到. 咁去面見反映,佢哋send過另一個file . 但係都係唔work. 咁搵人幫我德文投訴啦.

2010年8月14日星期六

今時今日服務態度

去旅行我一定去買郵票做紀念品. 我平時都唔會特登開篇blog.但係今次經歷係非常好. 要攞嚟講吓.

話說見到呢版Pécs歐洲文化之都特別郵票,問個counter.但係佢唔識德文or英文播,佢打咗個電話就叫實Q叔叔帶我去另一邊counter(唔似大多數耍你走or老點你).

個實Q叔叔知我會買呢版郵票,原來佢已經準備埋個folder. 喺呢個counter個姐姐都係只講匈牙利文. 個實Q擔心我哋溝通唔到,就截咗個路過識少少德文&英文職員.

2010年8月13日星期五

星期三襯墟

星期三聽收音機話Ring大道又封路.一定有啲. 咁我就去八吓. 去到太早,只係見電視台set咗攝影機.

2010年8月12日星期四

Pécs雜記

Pécs好多地方都見到呢啲介紹匈牙利對社會有貢獻資料.我明係因為匈英對照囉.

2010年8月11日星期三

2010年8月10日星期二

Pécs - 2010歐洲文化之都(中)

第二日因為話會有雨,所以安排參觀室內景點. 首先去Széchenyi tér廣場間前回教寺Mosque of Gayi Kasim Pasha.

未去之前去麥記攞番份都市日報睇睇.匈牙利文我緊係唔識啦.只係攞嚟睇吓嗰日天氣會點樣.

話時話呢度份都市日報好鬼薄.冇乜廣告.


2010年8月9日星期一

Pécs - 2010歐洲文化之都(上)

歐洲每年都有地方選咗做European Capital of Culture推廣文化藝術. 而匈牙利嘅Pécs就係今年其中一個歐洲文化之都.

由火車站行去舊城區只係十幾廿分鐘. 第一眼嘅景點係Zsolnay memorial sculpture.  Pécs以前係因為Zsolnay嘅瓷器聞名.呢度好多景點都同Zsolnay有關.

2010年8月8日星期日

又有筍嘢介紹-預告篇

又係鐵路遊.

今次用咗29歐來回,去咗匈牙利南面嘅城市Pécs. 好快為大家介紹.

星期四一大早出發,要坐6個鐘架.好彩唔使轉車.




2010年8月7日星期六

雪糕店比試

炎炎夏日雪糕都食多咗. 第一次食gelato係喺意大利,仲一食鍾情. 嗰時香港都未興,想食都冇.

有次我睇電視介紹gelato製造過程. 係好似化工原料舗咁一桶二桶顏料,香味搞呀搞. 再加上一次食咗撈唔勻gelato,一pat人造色素喺口度.之後我就好少食lu.

最近睇咗雜誌Stadt一篇雪糕店比試. 四間都係維也納出名嘅. 我只係未食過Paolo Bortolotti. 因為左邊三間都係賣gelato,我會推介Tichy. Tichy個鎮店之寶大家可以睇我呢篇blog.

而個比試呢本雜誌畀咗5粒星畀Am SchwedenplatzTichy.