翻兜船河(下)

今次喺Bratislava見全城ice hockey熱. 因為呢度有個國際大賽.

翻兜船河(上)

王子結婚,新郎唔係我,大受打擊. 搞到我個blog都遲咗出添.

星期四一行七人去咗遊船河(原來星期四都有咁多人咁得閒). 目的地係Bratislava. 呢個船河舊年去過. 但係上次唔好天.好多時都留喺船艙. 今次天公造美.

出發,離開市郊個碼頭.

禁煙落後

我覺得奧地利禁煙呢方面好落後(另一方面諗係好照顧煙民). 24小時都有得賣嘅 嘢除咗煙仔我都諗唔到仲有乜. 呢度買酒精飲品有年齡限制,但係煙仔乜年齡都買得.

早陣子見煙仔舗有抗議標語(EU TPD2通過咗就都會見唔到呢部機).

去咗麥記食兒童餐

早前 香港麥記兒童餐有嘅海綿寶寶我舊年已經買咗. 而22號開始我呢度又有新玩具喇. 唔知香港遲啲有冇呢?

好"高"

早排去咗個reception, 地點係地鐵Vienna International Centre站商業區一個叫Wolke 21 嘅地方. 顧名思義係喺21樓(維也納已經係好高架喇). 呢度主要係畀人包場搞分唇. 平時冇得上嚟,同大家分享吓啦.

中間係Millenium Tower. 唔知仲係咪維也納最高嘅建築物.

蔥花餅變蔥油餅

我呢度賣蔥係一大紮.買咗好多時都唔知煮乜好.買咗唔用又好似好嘥.所以我一買咗通常都即刻切蔥花放冰箱.早前見T&P整蔥花餅.啱晒!又有方法滅蔥.因為我驚黐wok落咗好多油.於是蔥花餅變咗蔥油餅.

木偶劇

前幾日見我棵葡萄出葉囉喎. 特登去麗泉宮探佢? 當然冇咁神心啦.

天氣好,去邊好?

好多疑似櫻花呀!!

復活節有乜食

復活節快樂!!!

復活節奧地利都有應節食品架. 但係....只係改咗個名同形狀. 其實平時都食到.

復活蛋(9隻價) 烚蛋.自己烚啦.

某星期日雜記

呢啲相係上上個星期日影架喇. 唔出blog好快會入冷宮.

春夏呢度係好colorful 嘅.周圍都有花. 呢啲花其實唔係野生. 佢哋係好似插花咁放喺度. 謝咗會換過新. 我見過有人換花時有個亞婆喺度執. 可能佢返屋企再種啦.

食食食雜記

雜記1.

呢隻德國嘅迷你腸仔我見過香港有. 如果香港有,心諗我呢度腸仔國都應該有啦.所以喺香港時買咗下面個工具,因為size fit嘛. 點知呢個size 嘅腸我呢邊唔common個喎. 搵過好多間超市都唔見. 有日終於見到,即買啦. 之後發現呢啲腸仔層皮好脆,一壓即爆.

Palmsonntag

啱啱過咗個星期日係Palmsonntag. 呢日喺Graben有個大型祈福黨.

爛尾皇宮Schloss Neugebäude

上星期五有位朋友嚟咗維也納. 因為佢差唔多年年都嚟,已經好熟路. 所以建議去一個大家都未去過嘅地方(我估係冇遊客會去嘅地方Schloss Neugebäude).

小提琴

4月14 去咗一個有關小提琴嘅展覽嘅開幕式. 因為唔係開我嗰瓣所以搵埋同鄉一齊.順便佢可以做我個人肉audio guide.

靚仔花見最終回

上回去桜の森見啲花應該好快開. 但係之後都唔好天,一直都唔想再去. 星期三朝早見有太陽.拿拿聲去check吓先. 如果唔係可能出年先有得睇. 去到已經見一排粉紅花. 開咗喇.

裸體婚禮慳番服裝費

呢個已經係幾日前嘅新聞,估唔到香港今日先講.

-----------------------------------------------------

奧地利一對戀人為在大婚當日留下難忘回憶，日前在費爾德基興（Feldkirchen）一個城堡，舉行別開生面的裸體婚禮。新郎全身赤裸示人，而新娘則頭披白色婚紗，上身全裸，下身則僅穿上肉色的T-back和白色高跟鞋。在衣冠楚楚賓客的見證下，兩人毫不怯場地完成婚禮，拍下了裸體儷影。

麗泉宮Easter Market

4月9 星期六麗泉宮個Easter Market第一日開,咁又約埋同鄉去襯墟.

Winnie the Pooh

某日見到街邊燈箱廣告,Winnie the Pooh有電影上. 我一直都冇留意Winnie the Pooh德文係Winnie Puuh

得啖笑又中六合彩

禮拜日有股力量話我知我會中六合彩. 你知啦,我呢邊禮拜日乜都閂. 要搵一間禮拜日仲開嘅煙仔舗(賣六合彩嘅地方)真係唔方便. 終於諗到火車大站嗰啲應該有開. 買咗.

可能個天見我咁有誠意. 真係中咗喎.

Choco Salami

Choco Salami唔記得睇邊個blog見識過. 心諗如果我呢度見有得賣一定會買. 點知blog友毛豆整咗又有食譜. 我梗係又跟啦.

整出黎條腸咁深色似血腸多啲. 另外我覺得啲餅整碎啲,切開個製成品時見唔到餅碎會似啲salami. 仲有搓圓啲會更加似.

Steiermarkdorf

星期五最後個目的地係Rathausplatz個Steiermarkdorf.
推廣Steiermark州旅遊.今年係第15屆.

Easter Markets

睇完未開嘅櫻花.去下一個目的地Easter markets. 嗰日睇報紙知係嗰日啱啱開. 所以呢個係臨時我哋加插嘅行程.

第一個係喺Freyung 嘅.

靚仔又花見

見呢幾日都好熱/暖. 心諗Donauinsel啲櫻花開喇卦(因為上星期都仲未開). 於是噚日搵埋同鄉去花見.

路邊雅座Schanigarten

上星期一係今年維也納路邊雅座正式開始. 路邊雅座咁普通嘅嘢維也納市都搞一餐慶祝. 地點係老牌cafe SLUKA.

壽司

襯啲日本貨未有輻射,整吓日本嘢食先. 講笑啫.

其實係好耐冇食壽司.又唔敢幫襯餐廳,超市出嗰啲喎. 因為睇過一篇報導話我呢邊啲壽司大部份唔合衛生標準. 咁都係自己整好過嘞.

第一次整係好多年前. 今次整好樣咗好多架喇.
因為怕自己唔識處理魚生,唔想用生三文魚. 所以用煙三文魚代替. 但係煙三文魚又好煙味. 於是第二日用咗三文魚carpaccio再整多次. 真係好啲.
而我個飯煲細,煮兩次飯先用得一pack嘅三塊紫菜. 剩低啲紫菜又驚佢發潮(呢度都已經好過香港,冇咁濕)所以嗰幾日餐餐都壽司. 今年quota已夠.

RADpaRADe

星期六去咗Bike Festival. 星期日又嚟呢度. 見有另一啲表演睇.

新鮮出爐

Blog友'Pandos喺慕尼黑'喺度引誘人.見佢個菠蘿包咁成功,我即刻都想整. 咁啱Samwei有食譜出.唔使我四圍摷. 但係睇個皮個譜....好多問號??????

梳打粉同泡打粉即係乜嘢? 邊個先係baking powder?? 冇臭粉&奶粉咁用乜代替好?

實在等唔切啲答案.今日照開工. 梳打粉同泡打粉未知有乜分別,咁我用晒baking powder. 臭粉我估我呢度一定冇,唔用. 奶粉我呢度只有BB食嗰啲,但係超市又唔會有得賣個喎. 咁煩, 都係唔用.

新鮮出爐....個樣好得喎.

Bike Festival

啱啱過咗個週末Rathausplatz度又有 嘢搞. 係一年一度嘅bike festival. 全部都係直接或間接同單車有關.

小小小村落

上上星期因工去咗一個離維也納45分鐘火車嘅小小小村落Thallern.

咖哩菠蘿雞意

我咪話有日喺柏林陽光中食個lunch嘅 . 就係食咗下面呢個咖哩菠蘿雞意粉.

靚仔在花見

因為電視劇我估大家都知乜嘢係花見. 未知?睇吓呢個blogger 嘅解釋啦.

噚日出街,見一班細路.幾得意.個個都有件反光衣. 走甩咗都好易見.