Regenbogenball 彩虹舞會

奧地利新年過後，Fasching 之前係舞會嘅季節。城中有好多舞會，只怕你冇錢去啫。

友人一早話會約埋我去 Regenbogenball 彩虹舞會。點知到我知嘅時候所有門票已經售罄。網上有黃牛飛但係又唔敢買。到舞會前一日有位賣家以正價64歐轉讓，友人電話傾談後覺得伏嘅機會好低，於是幫我約咗個賣家當日現場交收。

去舞會喎，當然要成副老西啦。放工趕去廉價衣履店買一身嘅裝束。

特別任務

1月25 友人嘅生日。佢老公想搞個surprise party。咁啱我呢日WFH，亦有嘢想買。佢老公話約佢去行街啦。於是我就約佢放工後去行商場。

呢段時間佢老公要佈置。啲friends 就六點先到。所以我要拖延時間。喺商場話我想睇呢間，我想去嗰間。。。。

加人工

奧地利嘅人工除咗最低工資嘅規定, 仲有唔同行業，工種，年資都有規定嘅月薪。即係跳槽去另一公司（同行業），人工係唔會一齊跳㗎。

而加人工都係有規定。所屬僱主聯會同工會達成協議，就會有以下呢個新一年嘅稅前人工列表（用我呢行 - 旅行社做例子）。

恭喜發財！

新年進步！

 

Open Piano

1月12 商場有人彈鋼琴，停下腳步欣賞一下。

車主

最近做咗車主。話說友人想買㗎摺得埋嘅單車，方便搭公共交通工具。佢問我買唔買，話得閒可以一齊踩單車。 

喺熱帶雨林買，200 歐連運費 ，made in China。好快就收到。

因為都成廿年冇踩過，都唔記得點踩。要練習練習。收貨當日友人同我去公園練，踩咗冇一個鐘見我都掂掂地，佢當晚就帶我踩馬路，認路返屋企。

佢真係好睇起我。我踩到擺吓擺吓。我唔驚啲司機都驚啦。咪搞，托㗎車搭地鐵好過。

1月 12 WFH 就去練一練車先啦。

3D 照相館

維也納嘅3D 照相館 3D PicArt Museum Vienna 都開咗好幾年。因為冇人陪我就一直都冇去，最後就唔記得咗佢。 

最近喺google maps 行街，突然見到佢。於是嘗試約人一齊去。

派錢紓困

維也納政府早早前向貧困戶*發信。通知可以申請能源津貼 Energiebonus (Energy Bonus) 200歐。當然馬上申請啦。

* 單人戶年薪小於40,000歐。多人戶全年總收入小於100,000 歐 。

Volkskundemuseum

早前去咗Volkskundemuseum (Austrian Museum of Folk Life and Folk Art )睇新展覽。係已經喺地圖消失嘅Galicia and Bukovina（波蘭南面至烏克蘭西部）嘅攝影展。

Galicia and Bukovina 屬於奧匈帝國嘅領土。

睇歌劇

因為想睇鐘樓駝俠嘅歌劇，所以睇吓網頁有冇平飛啦。嘩! 啲飛貴到買唔落手。

碌吓碌吓，發現有企位，只係5歐咋。買嚟體驗吓都好。喺同一網頁有另一齣歌劇Rebecca 都有企位。買埋啦。

12月29 睇咗Rebecca先, 地點係 Raimund Theater。

Mumok (下)

其實喺博物館行吓行吓，都唔記得邊個係邊個主題喇。

Mumok （上）

12月17，好耐冇行當代藝術館。於是同人一齊去行吓。

呢期嘅主題係 The Animal Within。

Basquiat

 12月 14 襯 Basquiat 嘅展覽仲未完，約埋人一齊去睇。

蒸魚

嘩！我呢個系列封咗塵好耐喇。因為依家懶得煮，以前煮過嘅我又唔會 post。

回歸嘅呢篇係極少會喺我呢度出現嘅魚。

話說新認識嘅友人喺香港工作過一年，佢好接受中式/ 港式嘅餸菜。 問佢最掛住係乜? 佢話蒸魚喎。咁就煮畀佢食啦。

除夕&新年

新年進步!!

今年第一次去友人屋企過新年。佢一直都想我教佢整燒賣，話中式嘅一定正宗。（菲律賓亦有燒賣。佢老公都好鍾意食。）所以其中一款宴客食物就由我煮理。

慢工出細貨，由剝蝦開始，用咗五個幾鐘整咗50幾粒。

除夕

除夕奧地利人點慶祝呢？

多數會係食Raclette。因為要買個特別嘅鐵板。一年先一次，唔想買，所以我未試過。

唔睇都唔知，奧地利人除夕唔食家禽的。話好運會飛走喎。