2010年2月28日星期日

blog聚星期三

接續上一篇. 食完嘢去睇戲,我呢個大鄉里除咗Disney裡面個3D,都未睇過3D電影,仲以為有好多嘢飛出黎. 睇完已經愛上3D.

2010年2月27日星期六

Charlie Brown Café

依家知道星期三博物館免費,咁呢日打算去睇吓科學館個標本展.十一點幾黎到,點知一點先開架.又運吉! 十一點幾諗住食lunch (唔想同人迫,所以早啲食).亂打亂撞,見到間Charlie Brown Café.我以為佢全部執晒添.

2010年2月26日星期五

西九海濱長廊

上回講去完Disney去青衣食嘢,又諗跟住去邊. 東涌線真係唔係咁方便,想去地方都唔就腳.咁就行吓西九海濱長廊,睇埋個展覽. 啲展品唔知係咪擺咗好耐,受到風吹雨打,好多都好殘.而西九海濱長廊簡直名不符合,都唔可以行近海邊.

2010年2月25日星期四

Disney粉絲又黎喇(下)

我去Disney主要同公仔影相.呢日人唔係太多,我只係用咗個半鐘就影晒中國服characters

2010年2月24日星期三

Disney粉絲又黎喇

我呢個disney粉絲返黎香港一定會去disney行一轉. 噚日天公造美,陽光普照,好鬼熱,簡直係夏天.

2010年2月23日星期二

馬灣公園

噚日去馬灣公園.初初以為睇假動物係免費,點知要買飛先可以入到去.最平入到去隻要$90.心諗咁搵笨.但係又冇理由唔入,船飛都好貴嘛.多媒體博覽館比我expect多嘢睇,有真小動物,化石,隕石,仲有相信係挪亞方舟石化木. 但係因為佢啲假動物整得太似,我懷疑呢啲都係假嘅.

2010年2月22日星期一

九龍城blog聚

師傅T&PBlogSamwei香港,星期六約咗出黎.仲認識咗兩位Blog友如月同EE. 去咗九龍城街市食泰菜. 我覺得好特別因為我好小去街市食.印象係去過一次咋.掛住食都冇影相.

2010年2月19日星期五

又見到佢

尖沙咀緊係唔只行博物館. 經過永安就入去睇睇.又畀我見到佢.財神今年似乎都跟住我.你睇佢幾俗氣,V字手勢.

2010年2月18日星期四

香港博物館

噚日去香港博物館我諗住睇呢個展覽.見對面個科學館好多人排隊喎.原來星期三博物館免費架.做咗港人咁耐都唔知有啲咁嘢.

2010年2月17日星期三

發喇發喇

年初三又搵個冇乜人去地方行,觀塘海濱花園.呢度原址係廢紙回收貨物起卸區.

2010年2月15日星期一

2010年2月14日星期日

唔想同人迫

恭喜發財!

我可能不知不覺患咗人群恐懼症.噚日唔想行街同人迫,於是去行公園. 我今次個To Do List,mark要去荔枝角公園. 美孚地鐵有指示,但係一出到地面就自生自滅.完全冇指示.好彩我有本香港街道圖.

2010年2月13日星期六

Hendlbrust mit Paprika 紅椒雞胸

呢幾日因為唔想好早醒所以121點先瞓,時差關係三點幾四點都係醒.又唔想再瞓,因為一瞓就瞓到下晝,好似嘥半日. 連續兩晚瞓得幾個鐘. 噚日終於頂唔住, 四點幾醒,上網, 加上作病, 9點已經好, 再瞓, 大昏迷到下晝三點先醒. 太晏唔想出街,只係去咗超市入啲帶返維也納.

今日年三十,大家都食團年飯,等我加個餸畀大家.

-----------------------------------------------------------------------------

2010年2月12日星期五

行新摩

以前星期六好多時都係返11,冇放飯,咁即係10點幾就要食lunch,咁早我又唔會去食飯,於是我有買腸粉食習慣. 噚日我就扮返工,腸粉拎去新世紀(以前公司地方)food court.

2010年2月11日星期四

花市得意波凸







中環行到銅鑼灣







好順利返咗黎香港. 第一日行街由中環行到銅鑼灣.

Krapfen報告

今日喺維也納有個Opernball (Opera Ball) .呢個係Fasching嘅重要活動.舊年都介紹過. 今年我喺香港,冇得睇(電視),但係唔覺有損失.因為呢個都唔係與民同樂嘅活動.

今篇其實想講吓一個關於Krapfen 嘅報告. Krapfen呢樣嘢好多人喺Fasching期間都食(其實一年365日都有得賣). 呢個香港以前間冬甩店都有嘅嘢,大家黎維也納又想試吓嘅話, 可以參考以下資料(我只介紹遊客會接觸到嗰幾間).

2010年2月10日星期三

Mariniertes Backhendl 炸雞



Rezept von Andreas Wojta

Zutaten für 4 Personen四人前材料:

2 Hühner; Mehl, Eier und Weißbrotbrösel zum Panieren; Fett zum Backen. 隻雞;麵粉,,麵包糠整炸皮;油炸嘢用

2010年2月9日星期二

開始避寒(鼻鼾)之旅

如無意外我已經返到香港屋企喇. 未出發時好期待呢個避寒之旅. 香港點都暖呢度廿度.

禮拜日朝無啦啦又落雪.原本溶得九九十十嘅雪又一次複覆蓋維也納.

2010年2月8日星期一

維也納Fasching慶祝活動@Simmering

噚日嗰篇講咗科隆人Fasching去開P. 禮拜六維也納呢邊都有Fasching 嘅慶祝活動.Simmering有個巡遊.去到啱啱見到隊頭.啲花車就好求其,似幼稚園裝飾多啲.

2010年2月7日星期日

扮古扮怪去開P

出埋最後一篇科隆遊記先..

大家記唔記得11111111分呢個特別時間呢? 就係Fasching開始, 奧地利好似唔係好大事慶祝.而科隆人就非常投入(唔知全德國係咪咁). 呢段時間佢哋叫Karneval,好多人都扮古扮怪去開P. 科隆市中心都有特別裝飾,但係每年都係咁樣..

2010年2月6日星期六

梅菜蒸肉餅

依家我真係小咗整中餐,一來懶去唐人頭買材料(轉幾次車,好煩).二來唐人頭賣啲嘢都係祖國貨,除咗喺香港有見過啲牌子外,其他都冇信心.

咁返香港時都帶小小材料返黎(雖然香港嗰啲咪又係made in China,但係安心啲架).好似成年前買咗梅菜.一直想整梅菜蒸肉餅.但係只係整過一次.又有原因.

呢度超市冇豬絞肉,只有豬牛混肉.去肉檔又唔知叫佢絞邊part肉好.眼見啲梅菜擺咗咁耐,好似好嘥咁.咁就試吓蒸豬牛混肉啦.OK .

2010年2月5日星期五

Beatles展

前幾日去買Simpsons漫畫時經過能源公司個customer service centre, 佢出面大大張poster話有免費Beatles 嘅展覽.能源同Beatles好九唔搭八.見免費就入去八吓.

同之前喺香港嗰個唔同,呢度主要介紹佢哋巡迴演唱會,有場刊,,...我就影呀影,影影吓先見唔影相.都影咗咯. 同大家分享吓囉.

2010年2月4日星期四

燒肉

睇人整嘢食嘅blog,睇完自己都好想整. 好似燒肉,我試過幾次都失敗,塊皮好似橡筋咁.見師傅T&P有個方法我一直都冇跟係因為屋企個爐冇上下火.最近先醒起屋企個微波爐都有grill function,有上下.咁喺超市買咗舊已經醃咗嘅鬼佬燒肉黎試(有睇開我個blog 嘅都知我成日話呢度嘅燒肉同香港味道一樣架)

今次終於成功!!



話明鬼佬燒肉緊係鬼佬食法啦,配薯蓉.

2010年2月3日星期三

奧地利,德國新歌

好耐都冇介紹奧地利,德國新歌喇.仲唔介紹新歌都變老歌.
首先三位都係奧地利歌手.咁啱都係英文歌.第一個DJ Ötzi,佢喺德語國家非常出名.


2010年2月2日星期二

戶外溜冰場

星期日喺教堂坐完(希望冇得罪信教嘅朋友)行去冇幾遠個戶外溜冰場睇睇.今年係第15,我仲以為有咗好耐添.

2010年2月1日星期一

Window shopping@科隆

睇blog見有人話科隆有Muji.即刻上網check地址. 我喺香港多數幫襯食嘢,可惜呢度冇.