Laa渡週末

星期五一行四人(包括同鄉)去咗離維也納一個鐘車嘅Laa渡週末. 路經一個Kellergasse酒窖街.

信箱

以前因為工作關係要睇人哋嘅住址証明. 有好多外籍人士啲住址只係得條街幾多號,我嗰時咪當佢住house囉.

黎咗呢度發現原來有啲大廈信箱係冇room number架,唔知係咪私隱原因, 尤其係信箱向街嗰啲. 派信就靠睇個姓.

戲服展覽

前幾日去咗Theater Museum

包雲吞

見blog友包雲吞,貪得意又學人整. 喺唐人超市見有made in Austria 嘅雲吞皮,就買佢. 食譜話落花生醬,咁啱我又冇,又唔知落咗會係乜味,所以冇用. 一包包咗好多粒. 咁就一味兩食.

首先整炸雲吞. 我以為會炸到好似酒樓嗰啲咁大塊.原來個size係冇變化. 自己又費事整個甜酸汁.就咁用呢度叫Letscho嘅現成匈牙利bell pepers醬. 啲雲吞好似蝦餃味,好食.

為咗海綿寶寶...

大婆Simpsons啲嘢最近都冇買.咁講吓個二奶海綿寶寶先. 首先係呢個特價餅乾.

行街街

冇乜嘢好講,咁帶大家行吓街街先.

前幾日去Mariahilferstrasse行街,

大陸乜都有

移民帶動文化交流. 最近同鄉介紹我睇一個華人討論區(大陸人).發現佢哋都將大陸文化帶咗過嚟.

------------------------------------

罪行1. 明碼實價,多樣化

办理奥地利毕业证，欧洲导游证，成绩单，学位证明，公证，留学回国人员证明 ,实习证明！

办理奥地利以下学校的成绩单，毕业证，学位证明，公证，留学回国人员证明：

蒜香魚露煎雞扒

睇Samwei整雞扒,咁啱我又買咗雞.食譜啲材料我有齊.我又整吓先.

我呢度唔見有雞扒賣.於是試吓自己起骨.我以前都試過起雞脾肉,但係切到碎晒. 今次我就小心翼翼咁起. 起到喎.讚吓自己叻先.

唔知係咪冇乜落油,煎咗冇幾耐已經好似燶燶地.搞到我唔想再煎落去. 切開 嚟食真係未熟.唯有叮吓佢啦. 味道...係好好食架. 有下次,如果唔懶起骨嘅話.

Christmas markets已經開晒

維也納啲Christmas markets已經開晒喇. 禮拜又係冇嘢做又去行吓. Opera隔離個Ringstrassen Galerien有個唔係正式嘅Christmas markets,只有幾檔嘢.

朱古力蛋糕仔

前排遊blog,遊到去blogger雀后度.見佢整朱古力蛋糕,啱我食喎.個食譜同我自己整開個方法唔同,咁又試吓.

食譜中嘅自發粉我呢度係冇嘅. 咁麵粉同發粉個比例我就求鬼其. 又學人放朱古力粒,點知沉晒底. 呢兩個好少少，都見到啲。仲有啲蛋糕又發得唔高.

味道都幾好(係朱古力我都會話好食),蛋糕軟軟咁.唔似我以前整嘅實實感覺.

騎呢展品

科技博物館有一part好騎呢.係喺樂器嗰邊有個section,同科技冇關. 有跟開英美樂壇嘅人士可能有興趣睇.

Mick Jagger飲剩嘅水 ,

科技博物館

前日去咗Technisches Museum科技博物館. 我係嚟咗咁耐第一次去,唔知有乜嘢睇.

かつ丼(日式滑蛋豬扒飯)

上次整牛丼買咗枝味醂,梗係又搵啲日本嘢煮吓啦.今次整日式滑蛋豬扒飯.

動物版人體奧妙展

警告!! 如果對人體奧妙展反感或有關展覽會引起不安者,請勿繼續閱讀.

。

。

。

。

。

。

。

。

。

之前話想睇嗰個動物版人體奧妙展. 咁啱噚日因工有得去佢哋個press conference.

善用冷飯菜汁

因為見呢度亞洲人超市有LKK魚香茄子醬賣,都係買咗先.唔買當你想搵嗰陣又冇架喇. 咁啱鬼佬超市茄子唔使一歐有兩大條,用咗一條整魚香茄子(用現成醬汁整嘅嘢費事出blog嘞). 但係第二條茄子整乜好呢?

三個Christmas markets已經開咗

禮拜日冇嘢做又搵埋同鄉去襯墟. 維也納有三個Christmas markets已經開咗.但係Maria Theresien Platz呢個要17號先開.

零團費導遊又出團

同鄉因為想買嘢,想睇多幾間,又唔知去邊好. 咁我呢個零團費導遊噚日又有團帶嘞. 睇咗第一間舗,冇嘢買到. 鬧人？除牌架，no way.

將價就貨,跟住我哋呢個團去咗個唔使錢嘅景點Bahnorama. Vienna Main Station好似冇乜進展.

試驗第一kick

見啲blog友整cake整得好高興,心郁郁想加入佢哋嘅行列. 最近可能因為聖誕,好多烘焙工具上架. 終於cheap cheap地買咗啲工具玩.

食譜..第一時間諗去blog友如月同samwei個blog摷吓. 海綿蛋糕原來有全蛋法同分蛋法. 我呢啲懶人梗係用全蛋法啦. 跟呢個份量唔係好夠,下次要double先得.

而因為個蛋糕唔高冇得玩切layers. 但係又心思思想用吓呢個嘢喎,咁試吓切平個頂先.幾好用吖， 7.50 euro一個都OK.

菠蘿炒牛肉

菠蘿炒牛肉我好鍾意食架.可惜牛肉太騷我煮唔番亞媽嘅味道,所以冇再整.

多謝各位上次整牛丼去騷味嘅提議, 我決定用薑汁試吓,一來可以消滅咗舊薑.

上次用咗1/3 ,今次又係用1/3盒整菠蘿炒牛肉. 醃肉時除咗用薑汁,仲落咗糖同豆粉.撈嗰陣怪怪地,牛肉片變咗牛肉絲. 落wok...弊!黐晒.唯有起勢剷啦. 然後加罐頭菠蘿啲水. 咦?? 乜牛肉片變咗免治牛嘅?

大字報

奧地利鄉下地方好興喺屋前架起大字報. 通常都係公告屋主添丁or有人生日. 我諗香港唔會有人咁做.邊個想話畀人知自己幾多歲呢.

講歌仔

又好耐冇講歌仔.首先介紹梗係奧地利代表先.
Emil Tischbein呢首歌好新吓,仲未上榜,但係呢排日日播.個旋律好輕鬆.我都要搵吓歌詞跟住唱先.

世風日下,道德淪亡

禮拜日帶咗同鄉去咗我屋企附近兩個景點. 首先個軍事博物館每月第一個星期日都係免費.所以去行吓. 我以前都post過,佢又冇新嘢睇.我相都冇乜影(另外係費事畀1.50 euro影相錢).

食咗飯.急急去咗禮拜偷雞開門做生意嘅雜貨店買嘢.之後我哋去我個後花園散步(畀我發吓夢做皇帝啦).

呢度多咗個雕塑.好似唔係好match. 另外經過幾日好好天之後個天又變成灰灰. 搞到啲相好似黑白咁.

蠔油蛋

講開蛋咁又講吓煮蛋先. 首先大家估吓呢啲係乜?

:

:

蛋

有次睇一位blog友嘅blog. 見佢話買蛋諗住煎蛋做早餐. 佢有幅相影咗佢買咗邊隻.我睇咗即刻爆笑,因為嗰啲係熟蛋嚟.

話時話我唔明我呢邊點解熟蛋都有人買. 奧地利人唔係忙到烚蛋都冇時間啫.

通常熟蛋個殼都染咗色嘅(臨復活節會大量上架).

跟人口水尾

人地講o既topic我又跟人口水尾講吓先.

口水尾1

牛丼

最近見blog友小白羊整牛丼,搞到我突然懷念吉野家. 想食,唯有自己整囉.

咁噚日摷番本食譜書出嚟. 呢本書係我初初嚟嗰時喺一個美國賣日本嘢嘅網站買(上上一次返香港喺Sogo都見有呢本書).但係見佢好多嘢都要用味醂,嗰時又唔知乜嚟喎.所以呢本書就入咗冷宮喇.

柞菜蒸肉餅+蒜蓉炒西蘭花

噚日終於開咗罐柞菜嚟蒸肉餅. 加埋蒜蓉炒西蘭花又係一餐.

鍾意搞C棍嘅我梗係唔會成餅嘢畀大家睇啦.

登,登,登...咁款一定要用刀叉品嚐.

銀仔情報

我其實好鍾意啲人派廣告入我郵箱. 好似耐唔耐會收到一本小冊子,裡頭有啲收藏公司嘅廣告.睇吓都知到多啲無謂嘢.

唔使煮,食得!

又一段時間冇出煮嘢食blog.係時間出一篇喇.但係今次呢個唔使煮,因為我介紹沙律.

以下兩個都係去人度食飯偷師返黎.

首先呢個> 青瓜刨絲,用手揸乾水份,加原味乳酪, 橄欖, 橄欖油. 鹽,胡椒調味.

郵局外判

奧地利郵局今年開始削減成本. 佢執咗啲郵局然後外判畀煙仔舗,超市開個counter. 好似呢間超市就有個counter, 理貨嗰個做埋郵差嗰份. 呢個外判情況係鄉下地方常見.