年尾喇,嚟個大事回顧先。
話說我係喺疫情重災嘅行業,依家仍然係政府保就業計劃中嘅一員。每週需工作平時10% 嘅工時,人工只係減啲啲 (公司只支付10% 嘅人工,政府津貼餘下。條件係公司唔可以炒人。)
中式嘅菜我極大部份我都唔好。所以嚟咗咁耐,買中式菜嘅次數一隻手數得晒。
喺德國入貨時見一包三棵小白菜300g , 0,79歐咋,唔買對唔住自己啦。 (最近奧地利一間廉價超市白菜特價,兩棵1.70毆)
咁煮乜呢,第一個出現喺腦海係蒜蓉炒白菜。
https://www.youtube.com/watch?v=6tGVqr0QXh0
24號奧地利唔係假期,但係法例規定只返半日工嘅啫,所以全世界都會早放,超市都係。另一個法例規定返半日嘅係除夕。
雖然係咁,平時啲同事都會攞假唔返。我就多數會留守公司,因為同事話中國聖誕遲一個月嘅。哈哈哈。
今年仍然WFH,所以唔使咁趕出席聖誕聚餐。忠實嘅blog友都知我年年都係食波蘭式嘅聖誕餐。
因為之前封城,舖頭冇開,錯過咗聖誕消費高峰期。
於是奧地利政府特別批准12月19 星期日因封城冇開嘅舖頭可以營業。即係呢日超市,藥妝店之類冇得開。對上一次全國性星期日濕平係1960年, 維也納對上一次係2008年。(維也納平時係星期日禁止營業的。)
12月5 原先plan咗離開Stuttgart 去一去Esslingen am Neckar睇個聖誕市集。可惜呢個州乜市集都取消咗,咁唔去啦。改去Ludwigsburg嘅皇宮係因為張Stuttcard仲有效.
暫停個遊記,講吓個新鮮急凍嘅見聞先。
噚日 12月12 係封城嘅最後一日。舖頭星期一可以重開(維也納嘅餐飲業同酒店業繼續封多一星期)。而聖誕市集就搶先12號開番喇。呢日咁啱喺Karlsplatz附近,就行吓呢度嘅聖誕市集 Adventmarkt am Karlsplatz啦。
12 月3 嚟到斯圖加特. 呢度已經係第三次嚟喇。Plan行程時主要係想睇吓啲聖誕市集。
但係到埗前一日呢度所在嘅巴登符騰堡州因疫情緊急煞停所有聖誕市集。諗住嚟到冇嘢睇啦。點知仲有零零星星嘅檔口喺度喎。
11月30 離開法國,又返番嚟德國。 原先計畫去Gengenbach嘅聖誕市集。但係見落雨,我又冇打算做檢測入市集。咁就取消, 直接去下一站Tübingen。
到埗時已經個天黑晒。第日11月31 先四圍遊逛。
11月30 離開Baden-Baden,一個鐘車就到咗法國嘅Strasbourg。
原先喺google搵到一個最近大教堂嘅停車場。但係路上有路牌,以我差過BB班嘅法文理解係因聖誕市集封路。想去嘅停車場着咗紅色嘅字fermé。係乜意思呢? 於是打電話問識法文嘅友人(我冇download定google translate嘅習慣)。原來係closed咗。
毫無準備下,咁喺邊度拍車好呢? 我電話嘅網絡漫遊係龜速的,問唔到google。於是馬路上有乜停車場指示就跟住行。最後泊咗喺Petite France. 一出嚟就喺呢幢建築物。
11月28 嚟到Baden-Baden。首先參觀嘅係喺火車站附近,隱藏喺啲貨倉定工廠之類建築物嘅一間博物館Kunstmuseum Gehrke-Remund。
Gehrke同Remund係呢間博物館嘅負責人。當日佢哋自己喺度睇檔。
博物館主要展出Frida Kahlo 嘅作品同宣傳墨西哥文化。