2016年12月28日星期三

叉電

友人攞咗架電動車嚟試,幾個鄉下仔未用過,一齊試試。
電動車最重要梗係叉電啦. 叉電站奧地利似乎呢間嘅網絡最大. 但係叉40%去到全滿要兩個幾鐘,太慢了.

了解過後,原來呢間公司有特快叉電站。40%去到全滿只係半個鐘啫。 
呢間公司係要入會,有三個plan,費用係每分鐘計。快速叉電當然每分鐘費用高啲啦.
隨車附有家居插頭。但係冇人棟大廈嘅停車場有電製。於是搵咗住house嘅另一人試吓家居叉電。
70%去到全滿要用12個鐘。真係傻眼。
用家嘅評語係住house嘅先啱用,仲要唔係揸長途,平時揸去shopping就OK。 

26 則留言:

  1. 香港初初都好少叉電站架,想買都要諗下
    依家連屋村停車場都有
    又出咗條例,叉完仲霸住個車位,過1分鐘罰5蚊

    回覆刪除
  2. 我都有考慮換電動車。But....向業主立案法團申請自費在我們自置的車位安裝電掣,足足申請咗兩年仍未批,話牽涉好多好複雜問題喎。多數都係換番普通車喇。所以都係住house嘅先啱用,鍾意裝幾多個電掣自己話事。

    回覆刪除
  3. 屋企有得义電先至好買,唔係買咗要食頭痛丸。

    回覆刪除
  4. 我地都想環保, 可惜問過, 長期要揸成個鐘返工嘅佢計過, 係做唔到呢

    回覆刪除
  5. 我仲以為你講啲係大人玩的電動玩具車㖭!
    最近我呢邊有很多賣,貴的要差不多成千元。

    回覆刪除
    回覆
    1. 環保梗係大力推廣。但係叉電耐又唔方便係一個大問題.

      刪除
  6. 我呢邊都未普及,有啲購物中心有叉電咋。

    回覆刪除
  7. 你哋喺邊攞架電動車嚟試?如果想買車去車行試車,唔係有個職員倍住你哋試咩?
    個特快叉電站喺burger king隔離喎,可以一邊食飯一邊叉電 :p
    我度有啲有機健康食品超市嘅停車場有叉電站,又有啲比較新嘅apartments嘅停車場都有叉電站

    回覆刪除
    回覆
    1. 係有人直接識得某品牌推廣部嘅負責人。
      BK有叉電站我估都係呢個目的.

      刪除
  8. 呢種電動車我就冇乜興趣,太多限制啦,反而對電嘅單車有興趣

    回覆刪除
  9. 叉電問題一日不能解決,電能車都不可能普及啦

    回覆刪除
  10. 咁無晒電至差滿電又要幾銀呢???

    回覆刪除

入咗嚟,不如寫幾隻字,留個言啦.