Wertheim am Main

喺維也納過一晚,清吓信箱，第二朝8月30又出發喇。
去到德國近Nittendorf嘅時候有車龍，見公路上好多人走嚟走去. 好似有大事發生。原來啱啱發生嚴重交通意外。聽講個貨櫃車司機夾咗喺車內。

消防，警察其實成廿分鐘先到。佢哋係喺鄰近嘅鄉鎮嚟㗎。有啲就係咁啱喺附近嘅休班警員。

架貨車攔晒成條公路。大家都受困, 但大家都好有耐性咁等。唔會有人唱國歌㗎。
等救人, 調查，清理，拖走個貨櫃。。。足足被困三個鐘有多.唯一消遣係睇書。

終於到咗Wertheim am Main, 九點放低行李就快快去搵食啦.....點知想食嘅就準備打烊。土耳其開嘅意大利薄餅同中餐又唔想食喎. 最後係乜都冇得食囉....

8月31 一早起身補番個city tour.
Burg Wertheim

藍屋。

GrafschaftsMuseum

Engelsbrunnen噴泉。

另一角度。

Marktplatz

Maintor

Spitzer Turm

對面岸嘅Kreuzwertheim.

繼續上路去另一國度.