城堡派對

 12月 3 跟友人渡週末。首先去Gmunden 奧地利知名陶瓷嘅次貨店。

啲嘢貴到買唔落手。於是問吓職員呢啲係咪正貨嚟啦。點知職員話全店次貨。。。@@

爛碗你買唔買?

湖中城堡 Schloss Orth。

呢日有音樂演奏。

誤入博物館（應該要買飛的）。主題係登山。

因為冇飛，影完相就快快閃人啦。

之後嚟到城堡 Wasserschloss Aisterheim。城堡依家活化做咗民居。

友人嘅親戚喺度住，所以可以租個廳搞生日派對。

牆係手繪㗎。

友人以為係親戚狗狗嘅生日。買咗啲狗糧，玩具做禮物。。。

但係唔見狗狗出席。人哋嘅禮物又好大份。心諗主人家對狗狗真好嘞。。。點知佢傾傾吓先知原來係主人家嘅生日。。份禮物變咗超尷尬。。。。

走廊做咗天然雪櫃。

鹹蛋糕（三文治砌成）。

主人家帶我哋參觀城堡嘅雜物房。

城堡因為唔係旅遊景點，附近冇乜客棧。於是我就喺 Niederthalheim 投宿。

日頭再嚟影相。

再睇吓親戚個單位。

以前工人通道。兩旁係放柴入暖爐嘅門。

依家暖爐只係做裝飾。租屋附設古典大門。

城堡依家仍然有租盤。佢有一個168m² 只係月租1200 歐，包管理費同暖氣。

 

點解會包暖氣呢?  話說城堡陰濕, 好易發霉，所以租約規定一年365日都要開暖氣防霉。

城堡嘅前溫室。

依家活化成髮廊。