Year of Loong

過年嘅週末冇節目。當友人（西人）知咁啱係新年，就邀請我過去佢鄉下同家人過農曆年啦。（其實係搵藉口聚一聚）

年三十早啲放工就出發。食飯吹水就一晚。

年初一我安排咗派利是環節。依家有PDD乜都陶到。買利是封冇難度。

利是要封雙數。於是喺古力金幣中尋找兩歐版。我呢個宣揚中國文化嘅大使當然有講解一下派利是呢個傳統啦。

下晝新春行大運。

行吓停吓行咗兩個鐘。

友人特別買咗風箏。唔通佢識得新年要步步高陞??

當然呢隻唔係 loong 啦，係 dragon。

開頭冇風升唔起。到臨走喺另一個山頭先飛咗一陣。

夜晚我親自下廚。大家都好期待。

我煮咗鹹魚雞粒豆腐煲。估唔到佢哋話好好味，佢阿媽仲問我點煮添。