快閃布達佩斯

7 月 2 要人肉速遞到布達佩斯。

話說有個大頭蝦嘅客，喺火車瀨咗個手袋，內裡有手機，銀包，護照。

佢嘅手機着咗GPS嘅 App，佢check 到手機喺維也納火車站嘅 Lost & Found。叫我去搜尋喎。睬佢都生芒果啦。一日咁多失物，點搵呀。要有報失號碼同等失物認領處理咗先㗎嘛。最後展轉利用個號碼搵到個袋。

我估佢應該係因為坐頭等，啲人冇咁貪心先冇人攞走。

但係但係佢隔日要飛喇。話一定要聽日攞返本護照。但係人就依家喺布達佩斯。

網上check 過啲速遞應該可以運到嘅。但係你知啲西人㗎啦，唔擔保的。

最後決定人肉速遞。坐火車嘅時間老細要我火車辦公。最終物歸原主。

襯lunch 嘅時間，極速巡視業務。原來迷你蘇都有人抄，格局一樣。全店都係淘寶貨。