Festung Kufstein

 5月 17 放棄酒店嘅lunch。嚟到附近嘅城市Kufstein。

因為每日12:30 Festung Kufstein 要塞有個德文嘅導賞團。而呢日天氣唔好，最啱係行博物館啦。

而每日十二點，會有約十分鐘嘅管風琴表演。

喺山腳奏，啲音樂喺山上嘅要塞響起。據稱全城都可以聽到喎。

樂章冇規定係教堂音樂，樂師決定每日演奏啲乜。

上山嘅𨋢一次載八人，所以表演未完就要去排隊趕下場。

要塞入場憑觀光卡免費。但係導賞團要加每人4歐，直接畀cash 導遊。

呢個塔藏咗接近5000條風琴管。

同一個地方展出好似係一次大戰嘅物件。

之後帶我哋去睇水井。

導遊示範倒啲水落去，要好幾秒後先聽到水滴到底嘅聲音。

水最要人力踩呢個巨輪拉上嚟。

圓形嘅塔頂嘅細窗係以前囚禁政治犯嘅監獄。

要塞牆身有幾個炮彈。

跟據對面山丘出土嘅炮台，據方向，距離估計炮彈係又呢個山丘射出。

個tour 完咗之後就自己繼續參觀。

監獄。

犯人名單。

鐵窗生涯。

腳鐐。

細細黑黑嘅唔係監房。係暖氣燒柴位。

之後參觀其他展館。

動物標本展出。。。。復活兔。

導遊話呢個古法行刑最受小朋友歡迎。話口未完就聽到有位小朋友𦧲父母要睇呢個先。

聽人講Stimmersee 湖靚喎。咁就兜一兜去睇吓啦。原來呢度係私人泳場，要收入場費。可能接近黃昏，冇人睇場，先可以免費入嚟望吓。