千星級住宿

話說 6月 19 星期四係公眾假期，星期五攞一日假就變成長週末喇。

往目的地嘅公路塞車，所以利用鄉郊嘅道路。路上順便去士多啤梨園摘士多啤梨。

自己摘，只係4,20歐 1kg，好平呀。

露營，日間超過三十度。好熱。

呢度有條河同湖可以水上活動消暑。

但係河水係好凍的。

Check-in 時個老闆知道我會講廣東話就即刻介紹佢老婆畀我認識。佢係馬來西亞華人，可能亦係好耐冇講廣東話了

露營地點 Krumau am Kamp 個鎮中心。

居然有維也納 street artist 嘅作品。

我哋自備吹氣獨木舟。

租咗腳踏船。

遇着消防員練習。

呢度入夜就好凍，約13度。所以天未黑晒就鑽入被窩。

深夜與友人不約而同去屙夜尿。滿天繁星。友人指住特別光，好大，好似個斗嘅星群話係Großer Wagen（德文）。

好熟口面。Google 一下，原來真係北斗星。第一次見。