民宿規管

依家好多地方擁有幾個單位嘅都會出租畀遊客短住。為咗打擊有屋冇人住，特別係喺大城市，奧地利政府舊年已經出招。

法例規定，單位唔可以一年出租多過90日畀遊客。

而整棟樓宇唔可以超過一半係呢啲民宿。超過嘅聽講係要符合酒店業嘅規管。

我未搬之前住市區，交通方便。附近有好幾間酒店。

唔知係咪咁，有人搬走咗後業主就租唔出。解決方法就係變民宿。我嗰棟就突然多咗呢啲嘞。

對我哋呢啲繼續喺度住嘅租客嚟講，帶嚟嘅不便係啲遊客唔識呢度啲規矩。例如垃圾房啲垃圾要分類，以前就見過廢紙回收箱會有家居廢物，廚餘之類 。。。