Colonge 長週末 (4)

7 月 11 搭火車去 Düsseldorf  主要行吓嗰度嘅日本區。

網上得知有廉價列車 Flixtrain，於是一早買定來回飛。

呢間公司係用人哋嘅舊車翻身，預咗冇冷氣的。

Delay 咗少少。日籍友人接車。一齊行日本區。

星期六，十點開門就入去。嘩! 似去咗日本嘅扭蛋舖。

之後再經過，居然舖頭人太多，要人潮管制。

大多係 6 歐扭一次。主要係啲動漫周邊。

呢間下次（如果冇執）要幫襯吓。

Lunch 嚟呢間食。

佢有限量嘅本日定食。我哋早廿分鐘到等佢開門， 排第二位。之後就有條人龍出現喇（西人都排，其實好少有，一定係好嘢）。

好似去咗日本。

呢日係呢個包括拖羅丼，天婦羅，豚角煮，味噌湯，生果嘅 set。35 歐一位。（平日會推出平啲嘅限定 set）

食評> 好正宗日本味。可惜拖羅有筋，天婦羅蝦太細隻。其實有得食已經好好，唔好要求同日本一樣嘅質素。

之後行街街。唔同城市嘅 Lego Shop 我都會去睇吓，因為會有當地特色嘅裝飾。

科隆未有嘅迷你酥。

齋睇冇幫襯。

遇著萊茵河畔長廊書市 Büchermeile。

對面河起梗個遊樂場。

原來係一個叫 Rheinkirmes 萊茵河遊樂會嘅活動。

行吓日本超市。

呢隻入浴濟我喺日本都有買。

原來依家冇咗日式麵包舖。啲麵包喺一間超市寄賣。

亦喺韓式麵包舖買咗類似菠蘿包嘅東東 소보로빵 Soboro-ppang（上面嗰個）。佢食味一樣，但係好乾身。

見仲有大把時間，坐喺 cafe 無所事事。友人建議我改早一班車走啦。加錢改咗但係。。。

Delay 三個鐘 !!!

火車站冇椅坐。只有站內 cafe 有。Cafe 去完冇耐，唔想再去。唯有席地而坐!

當知道要等多一個鐘就唯有死死地氣幫襯吓cafe，坐低飲吓嘢啦，唔好虐待自己。

車站外面其實可以坐嘅，但係德國啲火車站出面烏煙瘴氣，人流複雜，臭臭的，唔坐得耐。

最後超時三個幾鐘 。。。