Platform 9

7 月 4 同友人嚟到摩天輪。

見人企喺玻璃地板摩天輪見得多。終於自己可以玩吓。

呢個只有玻璃地板嘅車卡叫 Platform 9。係 8 號同 10 號車廂之間。

正價每位 89 歐。

我工作關係有特價，平咗啲啲咁多啦。

轉一個圈約十至十五分鐘。

扣好晒安全帶就開始。人係固定咗個位置，唔可以走得太開。

手機要有頸繩（有得借），相機要有手繩或頸繩。

就快到最高點。

美中不足係冇職員同你影紀念相或好似坐過山車嗰啲自動影相機（再兜售）。

結論>

一啲都唔驚。太快就完，有啲貴。試過就算。