Wiener Opernsommer

7 月 4 友人突然去睇歌劇，因為友人嘅友人嗰女喺劇中跳舞, 要捧場。

我又要跟埋去。但係我孤寒，只係買咗最 cheap 嘅飛，79 歐一位。

歌劇院放暑假。呢個時間要睇歌劇，唯有嚟呢個喺 Heumarkt 嘅露天歌劇節 Wiener Opernsommer (Vienna Opera Summer)。

今年第三年搞。第一年我都有睇，但係地點唔同。

劇目係卡門。

坐到尾幾嗰行。又唔記得帶望遠鏡喎，一大班人喺舞台，根本唔知邊個喺度唱梗。

場景冇變化，只見啲演員左左右右移動。睇到瞓咗。

樂團喺呢間房演奏。內裡佈置到好似喺宮殿入面。

中場休息，友人話佢哋隔籬個位冇人坐。叫我自己 upgrade。

新位置好好多。

應該唔可以影相。但係個個都影，我又影啦。

古怪地，呢個版本加咗飾演歌劇作家嘅角色。佢會出嚟解畫。

睇歌劇唔明正常，要知故事內容就要做定功課。第一次見有解畫員。