巴黎 Day 1

 9 月 20出發。平時出機場會搭火車的。但係市區同機場之間嘅鐵路路段維修，冇車。所以第一次搭機場巴士。

一行四人。中午機。咁喺機場醫吓肚先啦。

法國機場好似依家香港咁會有顯示行李搬運情況。如果顯示完成而自己件行李未出現就可以即時報失。點知烏鴉口，友人嘅行李失蹤。。。

職員查查查。。話會喺另一輸送帶出現。。。等等等。。。冇。又要再問。。最終喺原本嘅輸送帶出現番。

等嘅時候因為訂咗車接機，司機都等到唔耐煩，用 Whatsapp 催。

我哋會先去迪士尼。揀咗呢間（唔係迪士尼）酒店。距離唔遠，包免費穿梭巴士。

候車地點。

酒店隔離就係 shopping mall。

有一點老舊。

然後去超市入貨。呢啲蛋糕一定係好睇唔好食，冇幫襯。