Jundenburg下

第二日繼續遊蕩.唔係因為Jundenburg大,只係想搵吓呢度有冇一啲舊啲嘅樓. 四圍見到大部份
都係戰後樓宇,冇乜特色.心諗呢度二次大戰時嚴重損毀?聽講呢度以前係出鋼鐵.唔怪得.

舊啲又靚嘅唔係好多座.

見鎮外有座好似堡壘嘅嘢,行去睇吓啦.去到附近搵唔到路上.近睇似似地住宅. 最後都係返去鎮中心.

Jundenburg有好多呢啲關於天文嘅牌. 可能係promote吓個Sternenturm個天象廳.

Sternenturm呢個塔個天象廳睇圖好似我哋太空館咁. 入場9歐,唔啱我. 我只係畀咗2歐喺個塔出邊影相.

大家見唔見我間酒店?
呢間 Hostel附設嘅酒店完全係hostel 嘅services,即係冇service.早餐都係去hostel嗰邊食.仲要自己入佢個廚房搵碟.

鎮中心廣場嘅意大利食品展

購物'大'街

個塔隔離間教堂

Jud am Eck

晚餐去咗間餐廳食.嗰度有個古怪嘅箱.大家估吓係乜.

寫咗人名..

大家估緊嘅時候,睇吓我嘅炸白露筍茄汁意.

開估喇!

大家都知啦,啲銀行手續費奇多.只有小小錢放喺銀行容乜易連本都冇埋.

咁奧地利人以前就好興喺餐廳開個戶口儲錢(冇打錯,係喺餐廳).儲到咁上下餐廳就會代表一次過存入銀行,咁樣只係畀一次手續費,年費啫. 除番開唔係好多. 到收息時,大家會用呢啲利息喺番間餐廳隊吓啤.

時至今日呢個似係聯誼作用多啲.