2. 桑拿區大部份都係天體嘅.
大家請脫.
但係有部份人唔入桑拿房時會著番泳裝.
3. 焗桑拿前請沖身.
4. 唔好生人霸死地.
但係我見呢度好多人都唔理嘅.
有啲嚴格嘅桑拿,
啲員工真係會拎開你啲嘢架.
5. 鞋唔可以入桑拿房.
6. 桑拿房冇乜人時你可以瞓喺度.
人多唔夠位時請唔好自私,坐番起身啦.
7. 三五知己坐埋一齊時唔好高談闊論.
密室中有人想relax嘛.
8. 汗水唔好滴喺木板度,
個人要坐喺毛巾上.
呢個其實我唔係好明.
毛巾索水,咁
啲汗一樣會同木板接觸啫..
9. Aufguß(加水)係有職員服役.
唔好自己嚟.
btw通常你唔會見個木水桶嘅.
相反如果酒店有住客嘅桑拿部,多數冇人服役.
自己鍾意做Aufguß就做呢.
10. 沖身,過冷河,吸新鮮空氣.
Btw浸落凍水度我真係未試過.
11. 多飲水,休息吓.
雙腳抬高(好多椅嘅design都係for抬高腳嘅).
有次有間酒店嘅桑拿專家教過路,抬高腳同時用毛巾包腳,真係C服好多架.
第6同第7幅圖意思係咪男女同桑拿架?
回覆刪除冇錯. 我呢度大多數都係男女同焗架.
刪除桑拿前沖身, 必需啦 ! 坐係毛巾度,一黎毛巾可以吸汗, 二來都係對你自己保障 ,光豬個個坐, 好易惹到野,赤腳其實一樣易中招, 睇好唔好彩.過冷河係有利血液循環 .
回覆刪除香港果d多數都係包條毛巾 .但最怕d八婆係入面搽哂焗油, 減肥膏 , 搞到d櫈肥淋淋,好賤 !高談闊論更加啦, 平時大聲慣左既劣習.都有見d女人超豪爽光豬, 唔明佢諗乜.
我見過有人係桑拿度拉筋, 以為去左 hot yoga?
刪除毛豆>> 超豪爽光豬可能係感染咗奧地利人作風.
刪除Ah Mo>>拉筋? 乜間桑拿好闊落架?
唔闊落啦, 不過當時無乜人, 不過係咪都要顧下人感受呢
刪除我真係試過搽冰，話係正宗芬蘭桑拿喎
回覆刪除我去過一間o既Aufguss都有搽冰. 我覺得好正,可以降吓溫.
刪除看圖.......男女一齊焗嗎?我害羞點算呀?
回覆刪除我呢度大多數都係男女同焗架. 害羞>>咁唯有睇多幾個靚仔補數囉.
刪除我只在台灣做過nude sauna/steam bath，不過是男女分開的呀
回覆刪除我呢度大多數都係男女同焗架
刪除無寫唔可以眼瞪瞪咁望住人咩？肉塲社交禮儀喎！
回覆刪除冇講即係可以囉.
刪除毛巾是必需的，熱辣辣坐落唔得架。
回覆刪除佢守則原因又唔係咁喎.
刪除焗桑拿我相信純是為了享受，而且也不可能逗留得太久，所以一切守則能遵守與否也不會成為問題，當然最好要自律啦！
回覆刪除如果唔跟,好多對眼望住你呢...
刪除我未焗過桑拿, 但男女同室就咪攪啦.
回覆刪除可能有靚仔睇喎.
刪除咁多唔多大陸同胞去見識?~~~驚!!
回覆刪除呢d地方唔多見亞洲人架.
刪除好介紹! 有D唔講唔知!
回覆刪除因為習慣唔同嘛.
刪除揾毛巾包住身得唔得？
回覆刪除桑拿房入邊都唔可以包毛巾架. 要好似圖8咁.
刪除咁咪攪我喇！
刪除可能有靚仔喎. 真係唔好攪你?? 哈哈哈.
刪除桑拿唔岩我
回覆刪除有d人頂唔到咁熱.
刪除竟然可以男女同焗...仲要脫光的....@@
回覆刪除慣咗就冇問題
刪除好熱，我頂唔住，好快就走番出去，唔啱我玩。
回覆刪除我覺得去咗50幾60度o個d先,咁先頂到90度.
刪除咁你有無入鄉隨俗碌光豬？
回覆刪除諗起Welcom to Sweden，第一集有講個美國仔包住毛巾入去焗桑拿，有啲好笑呀，我知你唔鍾意睇呢套劇，但如果你想知我講乜，去睇第一集大約最後嗰十分鐘啦
o係呢個區一定要架. 我都慣咗了.
刪除睇咗. 最好笑我覺得係個女友問其他人美國仔做乜著咗褲.
哈哈，係呀係呀，女友問其他人美國仔做乜著咗褲，係好好笑，跟住其他人話佢哋都wondering呢個問題，都好笑呀 :D
刪除btw呢齣o野太多瑞典文,時時都要睇字幕,唔多好.
刪除未試過男女一齊焗！
回覆刪除仲要係裸,唔可以包.
刪除男女同焗！！！ 色不異空，空不異色，南無阿彌陀⋯ 千其唔好有絲毫雜念，唔係有生理反應咪大獲!
回覆刪除可能有d人你見到想有生理反應都難. kakaka
刪除桑拿都咁多規矩, 不過真係好睇人o既自身品德呢... (btw, 我未試過呀, 驚有d 人dirty嘛..)
回覆刪除blog友見過桑拿有冇品人囉.
刪除