主題之旅Cologne 上

7月1 至8都係喺科隆hea. 有一日去過Düsseldorf嘅日本飯堂食,佢set lunch啲嘢細咗,價錢同以前一樣。感覺冇咁抵.下次可能試第二間.
喺科隆嗰個weekend又係CSD. 城中一連三日有個Strassenfest. 星期六呢日特登要去捧吓場。
路過花檔見嘅彩虹玫瑰（真花嚟㗎）.

Heumarkt有三個表演台.呢個台播勁歌for人跳舞。

旁邊賣嘢食.

另一條街塞滿人,冇去八吓街尾個台有乜表演睇.

主台呢度有人唱歌。

迫爆。

當日係熱浪最熱嗰日,下晝六點幾都仲係好熱。有工作人員不停向觀眾噴水.

所有歌都有手語翻譯。

司儀咁打扮, 都知我嚟捧邊個場啦.

準時出場

大熱天時著latex唔焗暈？

唱咗四首歌,佢走我又走。其實好多人都係特登嚟睇佢.

呢個活動我發現係好危險。入場人數冇管制，啲人係咁迫入嚟(我都係咁迫咗入去)。場地又賣啤酒，啲人飲完啲樽就咁放喺地. 如果有特發事件啲人急於疏散，一個唔小心踩咗落個樽到卜倒，好易有人踩人慘劇。