2017年1月3日星期二

避忌

講開人哋嘅習俗,我食咗餐飯又學多咗嘢。
原來鬼鬼年初一波蘭女性唔可以去拜年。女人年初一去人度會帶嚟不如意喎.

而奧地利人就啲衫唔可以晾過年,最遲除夕日要收好晒。

63 則留言:

  1. 細蚊女同BB女得唔得?

    爸爸照顧唔倒咁多細路,都係留番喺屋企等老婆湊,去拜年咪係得男人同大男孩,清一色。

    我過年都唔想人哋睇到我啲衫晾晒出黎咁核凸啦!同形象有關,邊係習俗黎架,咪呃人!

    回覆刪除
    回覆
    1. 唔得架.
      清一色>>去到人屋企咪有女性囉.
      我會晾喺房囉,冇人見.

      刪除
    2. 香港屋細人多,如果有人黎都會清晒佢,因為有機會入房參觀。

      刪除
    3. 我HK屋企間房謝絕參觀.

      刪除
  2. 有無講點解女人唔可以去拜年?

    回覆刪除
  3. 啲衫唔可以晾過年,最遲除夕日要收好晒。其實我地屋企以前都係咁。

    回覆刪除
  4. 回覆
    1. 新年快樂!
      呢啲習俗真係唔講唔知.

      刪除
  5. 又有冇過年要穿新鞋新衣服?連底底都要呀?

    回覆刪除
    回覆
    1. 咁又冇.但我知意大利人新年會着紅底底。

      刪除
  6. 初一波蘭女性唔可以去拜年 <-- 估唔到鬼鬼都咁重男輕女,咁你個波友信唔信呢啲野?有無照做?
    乜你哋要晾衫嘅咩?好似香港咁三支竹晾衫?家家戶戶都無dryer?

    回覆刪除
    回覆
    1. 有照做,女嘅只係喺樓下等。
      公用嘅有乾衣機,多唔多人用唔多清楚。而屋企有位安到洗衣機嘅(好多單位都冇設計for你可以自己擁有洗衣機),都冇位安乾衣機。唔係住house啲人包括我都係晾喺房陰乾,冇人晾出窗口㗎。

      刪除
    2. 女嘅只係喺樓下等 <-- 吓??佢喺樓下等咗幾耐?等到你哋食完飯???
      如果有位安到洗衣機,就應該有位安乾衣機,有啲機係兩層㗎,上層係乾衣機,下層係洗衣機,亦都有二合一嘅洗衣乾衣機
      似乎你度無乜新起嘅樓宇,新起嗰啲應該有位安洗衣機乾衣機

      刪除
    3. 個男嘅只係嚟食件,唔使等好耐。
      兩架分開兩層嗰啲我知,但係自己安我估冇人可以托到上去。
      全新嘅我見過都係冇位洗衣機位㗎。可能啲人慣咗用公家。

      刪除
    4. 你可以同佢講你唔信呢啲野,比個女人入嚟啦,天寒地凍要人係外面食西北風咩?:p

      刪除
    5. 兩層嗰啲唔一定係兩架分開㗎,可以連成一架㗎,你可以google "stackable washer dryer"睇圖片

      刪除
    6. 估唔到你度喺呢方面有啲落後,用公家始終唔方便,如果係一家幾口嘅家庭,拎住咁大袋衫去洗,都咪話唔麻煩

      刪除
    7. 我係客。人哋屋主信冇計喎.
      連成一架我度好似未見過.
      落後>>住公屋嗰啲仲要輪洗衣機添呀,一個月只可以洗一次衫咋.但就全日都係你用.我知有人因為要洗衫,嗰日要攞假。

      刪除
    8. OMG!!!因為要洗衫所以攞假,真係第一次聽到啲咁嘅事
      一個月只可以洗一次衫, 如果係一家幾口嘅家庭,每次洗衫好似搬屋咁,唔怪得要攞假
      你度啲公屋係咪好似香港咁,低入息先可以申請㗎?

      刪除
    9. 我睇過一個(好似係日本嘅)電視節目講,瑞士都係咁。一個月洗一次衫,處埋一大堆。
      係呀,低入息先可以申請,但就冇好似香港嘅富戶政策,一住就成世。

      刪除
    10. 一個月洗一次衫,咁佢哋應該會用dryer,屋企都唔慌會夠地方晾咁多衫啦

      刪除
    11. 瑞士都係咁 <-- 我去八咗啲資料,呢樣係真喎:
      http://www.newlyswissed.com/a-primer-on-share-laundry-rooms-in-switzerland/
      佢哋有埋sign up sheet,真係OMG!!估佢唔到,以為佢哋咁有錢應該家家戶戶都有洗衣機 @_@

      刪除
    12. 我睇嗰個節目佢哋係晾喺地牢㗎。
      我棟樓你想洗衫都要mark咗時間先㗎。

      刪除
    13. 呢個明顯同有冇錢冇關,係啲人嘅習慣同樓宇設計嘅問題.

      刪除
    14. 咁即係你都要填sign up sheet?

      刪除
    15. 佢哋係晾喺地牢㗎 <-- 我都睇過篇文話佢哋有間乾衣房,其實只係放部大暖爐喺間房度烘乾啲衫喎 @_@

      刪除
    16. 係啲人嘅習慣同樓宇設計嘅問題 <-- 唔明點解啲人唔改變吓,我度都係舊式嘅apartments先會有公家洗衣房,新啲嘅(大約90年代開始起嘅)都會有私家洗衣機乾衣機。唔明點解我度可以變,歐洲唔變

      刪除
    17. 仲有,我以前都住過舊式apartment,都用過公家洗衣房,但隨時都可以用,唔需要mark時間喎,每層樓都有一個公家洗衣房,每間洗衣房都有幾部洗衣機乾衣機,好少遇到部部機都有人用緊

      刪除
    18. 如果真係咁啱啲機比人霸晒,咪等一兩個鐘再check吓囉,從來都唔使mark時間,好似你哋咁要mark時間,我覺得好神奇 @_@
      其實你間公家洗衣房有幾多部機呢?

      刪除
    19. 比你重溫吓Friends裡面Rachel同Ross用公家洗衣房 :p
      https://www.youtube.com/watch?v=NPSvXsh3Uz8

      刪除
    20. 如果真係咁啱啲機比人霸晒,咪等一兩個鐘再check吓囉,或第二日先洗囉,從來都唔使mark時間,好似你哋咁要mark時間,我覺得好神奇 @_@
      其實你間公家洗衣房有幾多部機?

      刪除
    21. 要㗎,但係我住嗰度只係mark落個記事嘅日曆度.
      我懷疑啲歐洲人守舊,一成不變。
      你度好喎.好似我住呢度有五十幾戶只有一部洗衣機咋.你唔霸時間好難有空檔畀你囉.

      刪除
    22. 吓?五十幾戶share一部洗衣機?真誇張喎,如果可以,影張mark滿晒時間嘅記事日曆嘅相比我哋見識吓

      刪除
    23. 你可以考慮買個portable washer,例如呢個:
      https://www.amazon.com/Package-Panda-Portable-Compact-Capacity/dp/B005GM942C?th=1
      可以洗5磅衫,部機本身只係11磅,唔重,好輕易可以搬嚟搬去,搬去廚房洗又得,搬去浴室洗又得
      如果自駕遊,放喺車度,搬去酒店洗又得,得咗 :p

      刪除
    24. 另外有唔使用電嘅洗衣機,可以練臂力 :p
      https://www.amazon.com/Laundry-Alternative-Wonderwash-Non-electric-Portable/dp/B002C8HR9A/ref=sr_1_1?ie=UTF8&qid=1484020498&sr=8-1&keywords=The+Laundry+Alternative

      刪除
    25. 冇嘢寫寫呢個都好.
      部機細細,OK喎.

      刪除
    26. 你以前都寫過一篇講洗衫,但無講要mark時間
      你對邊部機有興趣?用電嗰部定練臂力嗰部?

      刪除
    27. 嘩!忠實讀者喎.記得我講過.
      我懶得郁嘅梗係電動啦.

      刪除
    28. 因為我記得我曾經比過你睇Friends裡面Rachel同Ross用公家洗衣房嗰一幕
      忠實讀者有乜獎品先? :p

      刪除
  7. 各處鄉村各處例,又識多左野!

    回覆刪除
  8. 我仲以為外國多數用乾衣機好少會晾衫

    回覆刪除
    回覆
    1. 公用嘅有乾衣機,多唔多人用唔多清楚。而屋企有位安到洗衣機嘅(好多單位都冇設計for你可以自己擁有洗衣機),都冇位安乾衣機。唔係住house啲人包括我都係晾喺房陰乾,冇人晾出窗口㗎。

      刪除
  9. Happy New Year ! 迷信真係好麻煩。

    回覆刪除
  10. 女人唔可以去拜年? 咁我仲開心喎.

    回覆刪除
  11. 呢啲習俗仲多唔多人跟㗎?

    回覆刪除
    回覆
    1. 我識嘅有照做,當日女嘅只係喺樓下等。

      刪除
  12. 習俗呢樣野真係各處鄉村各處例~

    回覆刪除
  13. 唔去仲好啦.家人團拜就攪掂,其他親戚根本不會去,有其他人去自然利是不去也會收到!哈哈.

    回覆刪除
  14. 咦!!!鬼鬼都有d咁嘅習俗喎!

    回覆刪除
  15. 我淨係知欠人錢唔好拖過年, 所以我通常新年前就會清數..哈哈!!!
    我老闆係鬼佬, 佢話聖誕裝飾都唔可以擺到過新一年, 所以ADMIN 同事最遲31號要收起晒裝飾呢~

    回覆刪除
    回覆
    1. 我度聖誕裝飾傳統擺到二月㗎。

      刪除

入咗嚟,不如寫幾隻字,留個言啦.