Peperoni Farciti 意國釀青椒

話說之前喺捷克超市入貨時見5kg青椒只係兩歐。諗都唔諗，買啦.
買咗又要諗點消滅佢.連續食咗幾餐青椒乜乜. 其中搵咗個意國素菜食譜嘅Peperoni Farciti。

青椒我用咗五隻。開半，去籽.備用。
餡＞250g方包碎（我用日式麵包糠），一湯匙切碎，一湯匙黑橄欖切碎，三個大番茄去皮去籽切粒,一瓣蒜蓉，兩湯匙番茜碎，四條鬼佬鹹魚anchovies切碎（西人有魚都係叫素食），125ml 橄欖油，鹽，胡椒。
方包碎用奶浸發。之後隔走多餘牛奶。加入一半橄欖油同所有餘下材料。撈好,釀入青椒。喺面頭掃上餘下橄欖油。入焗爐焗三十分鐘至表面金黃香脆。

味道幾好的。下次可以落多一啲鹹魚。但係口感麻麻，有一點發水麵包feel.
剩咗仲有啲餡，我加啲免治肉整肉丸。好好食㗎。