2020年1月21日星期二

全職伴遊

剛過去嘅星期五六日做咗全職伴遊。因為有一團我負責香港嚟嘅遊學團要表演.
星期五去咗Baden.

好快行吓就到咗歌劇院參觀。
負責人同PR姨姨講解。
我嚟過咁多次睇劇都未喺呢個距離參觀。
 之後去化粧間.
啲假髮話係一條條真髮插成。
最後合唱團佢哋可以喺台上唱吓歌。
 
然後到咗Heilingenkreuz嘅修道院。

Guided Tour係啲修士帶。講吓修道院嘅生活。
不准怕照都影咗啲。


正午有個誦經????特別安排修士唱完就到年輕唱.
可惜亦係唔可以影相同拍video。咁回憶只留喺腦海啦.
之後喺附近食lunch,有神學院嘅學生同台,一齊交流。
學生都有準備。派手寫揮春做手信。
寫揮春對呢班學生嚟講都幾大挑戰,因為大部份學生都係小數族裔人士。
呢日最後活動係去Steyr嘅老人院表演。
唔知係咪個lunch overrun咗,要趕頭趕命嚟呢度.搞到水準大跌。
佢哋主要唱英文詩歌。亦有廣東歌,但似鬼佬口音. 香港人聽真係會笑C。
佢哋亦苦學咗德文版嘅平安夜同快樂頌。一唱時啲公公婆婆都好驚訝。
亦有派揮春環節.當然啲老人家會問乜意思啦.
之後聽咗一個搞笑嘢。有個學生喺揮春度寫咗自己個名。另一個同學就照抄(唔知啲中文字嘅意思)。然後照派。啲婆婆問係乜意思時先知出咗事。哈哈哈.
星期六喺Steyr有比較多時間.
參觀咗聖誕博物館。
啲學生感覺有兩大派。一小部分係好有興趣。大部份就完全唔知嚟做乜,喺博物館係一眼都唔睇,只係睇手機.
喺博物館期間有小插曲。有人撞跌咗一個相㗎(好彩喺啲cheap嘢)。當然叫當事人同老闆講sorry啦.
呢日book咗個city tour.
襯未天黑上咗塔頂先。
落番嚟後因為又凍又大雨。要求腰斬咗個tour.
星期日嚟到Melk嘅修道院。
首先睇到佢哋好想睇嘅。。。。落雪。有啲即時雪戰,有啲就試食天跌落嚟嘅雪。



而呢晚佢哋要喺維也納嘅大教堂嘅彌撒中唱聖詩。因為知喺Steyr獻咗醜,所以有學生建議喺返維也納嘅車上練歌。其實喺酒店夜晚都有練㗎佢哋。
 大教堂有兩次彩排嘅時間.

喺休息間有啲都仲不停練。
最後佢哋進步咗好多. 當然圓滿結束, 掌聲如雷啦.
臨走時神父嚟道謝。梗係又係派揮春時間啦.可惜代表學生唔識字,解錯意思。但都冇問題,神父都唔識睇.
雖然佢哋嚟遊學未必學到啲乜. 但就一定永世難忘囉我估.
祝佢哋前程錦繡。

26 則留言:

  1. 佢地都知個醜字點寫, 所以再 practise

    回覆刪除
  2. 依家中學生嘅中文水平真係好弱

    回覆刪除
  3. 原來係小數族裔,帶隊都係外藉?揮春都攪錯

    回覆刪除
    回覆
    1. 老師,領隊都係香港人.
      揮春寫好冇檢查囉.
      而啲學生又唔係好認得晒啲字,所以噏錯。

      刪除
    2. 可能唔係中文科老師帶,所以冇諗過要check。

      刪除
  4. 脫離王室王子導遊費+強迫消費佣金=過肥年😁

    回覆刪除
  5. 呢個遊學團D學生咁立離。係咪國際學校學生?

    回覆刪除
    回覆
    1. 唔算係國際學校,因為係本地學校首收咗啲少數族裔學生。

      刪除
  6. 王子好嘢!做導遊~
    冬天的歐洲就經常灰朦朦⋯⋯
    唔係話香港學生差,而係個教育制度根本就有問題。 係外國旅行,經常見到活動教學,不時去啲古城、博物館、有歷史的建築物實地上課,係香港都見國際學校咁做。至於香港傳統學校,用多啲時間幫學生做填鴨好過啦。加上現今香港學生對歷史又毫無興趣,在博物館嘅情形,意料中事。(何況係小數族裔,歷史課都唔係講佢家鄉)老實講,就算香港嘅大人去博物館都係打吓卡啫,有幾多會鍾意歷史吖。

    回覆刪除
    回覆
    1. 伴遊咋,唔使我講解㗎。
      都啱嘅。香港冇乜培養學生喺博物館學習嘅興趣。

      刪除
  7. 係咪國際學校?應該交畀幾個熟中文的同學主力負責寫揮春係咪好啲(其他人負責照抄):P
    王子做大哥哥應在旁點提點下嘛^^
    學生最後有冇送返少少香港手信比王子留念先?

    回覆刪除
    回覆
    1. 唔算係國際學校,因為係本地學校首收咗啲少數族裔學生。
      畀咗感謝信囉.

      刪除
  8. 唔好扮嘢,唔信你腦海會留呢d記憶
    地利亞?咁係咁上下啦

    回覆刪除
    回覆
    1. 暫時記憶體仲有位,記得嘅。
      唔係呀,我讀書年代嘅名校嚟㗎,依家就。。。。。

      刪除
  9. 王子嘅角色係咪當地導遊呢?
    有冇機會講吓廣東話呢?

    回覆刪除
    回覆
    1. 當地導遊有另一位.
      同老師,領隊講廣東話。學生要講英文。

      刪除
  10. 啊!你講明做伴遊呀!XD XDXD

    回覆刪除
  11. 有王子做伴遊,旅客自然玩得開心又放心啦…

    回覆刪除

入咗嚟,不如寫幾隻字,留個言啦.