公園導賞團

 3 月 19 友人搞咗個長知識嘅生日會。佢邀請我哋參加一個公園導賞團。地點係 Augarten。

呢個團係持牌導遊帶領，每位廿歐。即場join 都可以。

Augarten 係 Au 同 Garten（garden）兩個字合成。喺奧地利德文 Au 解作近流水嘅灌木叢林。

因為當時多瑙河未開始水利工程，呢一帶經常泛濫。呢度有個碑紀錄當時水位。

遠處係唯一保留到嘅原宮殿一翼。公園喺1775年開放畀公眾使用。

奧地利首間養蜂學校就喺呢個宮。1769年皇后委任咗Anton Janscha 做首位導師。佢亦稱為現代養蜂技術之父喎。

原有宮殿嘅外牆。因為怕會有嘢墜落，所以長年都有圍欄圍住。

保留到嘅部份依家係瓷器工場同博物館。週日冇開。

三位音樂家亦喺呢個宮表演過。

春回大地，公園遍地野蒜。但係我唔會喺呢度摘囉，呢度好多人放狗。

呢度有兩座近代遺跡。。。二戰防空炮台。

因為德軍嘅建築技術進步，喺維也納起嘅防空炮台係最堅固嘅，所以拆唔走。依家就成為受保護遺跡。

圓身嘅呢座係Flakturm 地對空炮台。

長方體呢座Flieger-Abwehrturm 喺防空洞。

唔記得係紀念啲乜。網上亦搵唔到資料。