Langen Nacht der Museen (3)

10 月 7 因為夜嘞，又多一位團友離隊。

得番兩條友，於是去維也納嘅一間汽酒酒窖參觀。

十一點幾嚟到。

完全唔見指示邊度係等guided tour。

亦無時間表幾時start。在場嘅職員又乜都唔知。

入場有一杯免費汽酒。飲完，原先喺度等tour嘅人唔見咗。唔通我哋miss 咗個團。唔死心, 繼續等。

見有一班人喺貨倉出嚟，一定係tour嘅人啦。咁即係好快又開一團。

等等等，都冇導賞員嚟嘅。友人四圍望，見有一班人入緊一間房，一問之下原來就係個guided tour。

呢度啲安排真係差。個導賞員都唔去四圍兜客嘅。

影片介紹酒廠歷史，釀酒過程。

一支支存放喺度嘅酒。

酒缸。

古法釀氣酒係用人手轉啲樽嘅。呢度就用機器。

酵母最後沈澱喺樽口。冷卻後一開樽就會噴走，之後就可以封口。

因為啲酒嘅氣壓大，都會係用水松木塞嘅。

沈澱咗嘅酵母。

入樽嘅工場。當然咁夜係冇人開工啦。

個tour 約廿分鐘就完。