閒遊柏林 - Tempelhof

因為友人們係教師，出遊只有旺季嘅秋假。近近地揀咗大家都好耐冇去嘅柏林。旺季機票非常貴，於是搭火車啦。唔使轉車嘅飛去程已經賣晒。要喺布拉格轉車。27 號出發黃昏先到埗。

10月28  正式開始行程。兵分三路，我去shopping，友人去meet 啲 friends，一個喺酒店 hea。

紀念被綁架嘅以色列人。

我哋下晝會合，首先嚟到Körnerpark巡吓。呢度有啲此王宮嘅花園。

其中一位係生物科老師。佢一路行一路執啲楓葉睇。。。

行呀行呀，終於嚟到呢個前機場 Berlin Tempelhof。

呢個機場2008年接埋，2020年開放畀公眾。

一部分畀人種嘢。

一部分喺狗公園。

機場可以想像有幾大。點解唔再發展呢? 

因為多人反對囉。

直路一條，好適合玩陸上風帆啦。

遠處嘅機場大樓。

呢度基建可以話冇，冇街燈，冇乜長椅，冇廁所。。。

呢晚有night run。

指揮塔呢度依家係博物館。

話說我哋5:30到，呢度6點閂門。售票阿姨話不如聽日先嚟啦，依家只有三十分鐘睇。

但係我哋老遠嚟到，決定三十分鐘都照殺。

屋頂依家係觀景台。

點知入場十五分鐘後啲實Q開始趕人走。當然同佢理論啦，阿姨話有三十分鐘參觀㗎嘛。

實Q話係6點要完全清晒場喎。

咁你就唔好賣飛畀我哋啦。奧地利啲博物館通常閂門前一個鐘就唔畀人入場。

博物館樓梯嘅設計我就覺得多此一舉。喺舊嘅上面舖新樓梯。