五香肉丁

我呢個分類都封塵咗好耐，終於有新嘢嘗試喇。

話說五香肉丁係我最懷念嘅食物之一。可惜可能係肉類嘅關係，喺歐洲搵唔到有賣。

N年前試過一個食譜，味道唔多似，冇再整過。

最近就見到呢個食譜，佢多數都係就地取材，唔使去中超買材料嘅。試吓先。

https://www.youtube.com/watch?v=taFA3MZZsGI&t=427s

腩肉（約500g）蒸到快熟，待涼後切丁。之後每粒煎至兩邊金黃。

落兩茶匙黃豆醬（屋企居然有存貨），一湯匙是拉差醬，炒炒。然後落一茶匙五香粉，一茶匙胡椒，一湯匙甜紅椒粉繼續炒。最後落兩湯匙老抽，50ml 紹酒，兩三湯匙辣油（冇買）。燜到啲肉腍，加埋竹筍。隔夜先食。

個味九成九似呀。只係啲肉唔係好似罐頭入口即溶囉。

註> 因為我買嘅豬腩係已經切成薄片，所以我呢個應該係叫五香肉片。