療養生活

話說奧地利打工仔到咗某一個年紀，呢度疼嗰度痛。（好似係每五年）可以向醫保申請去療養三星期。 

家庭醫生喺申請表寫你有乜痛症，填上自己希望所到嘅療養酒店。醫保批咗之後就睇吓酒店幾時有位。

呢三星期算係病假，公司一定要放人。人工好似係頭三日公司支付，其餘日子嘅人工醫保負債。所以啲公司唔會詐型。

酒店包三餐同治療項目。費用醫保會津貼。墊底費今次係約530歐。

同同病相憐嘅友人一齊申請，要求同一酒店。一齊批出。

5 月 4 就開始我哋嘅療養生活喇。地點係離開維也納約四個鐘車嘅Bad Häring 。 

酒店房望出去嘅風景。

酒店有免費熱茶提供（相左）。

酒店cafe。（自費）

泳池（唔係暖水）。桑拿冇影。

到埗後首個工作日首先見駐酒店醫生，佢會建議啲療程畀你。

我就有真人按摩，水力噴射按摩，電療，物理治療，敷暖泥漿，做體操，機械操。。。

療程仲有冰火二重天。（喺冰水同暖水中交替步行）

做機械操有呢條嘢監測心跳。

每日療程約四點前完成。夜晚酒店有時安排歌手嚟表演。亦有自費嘅舞蹈班。

亦設有平板電腦（一張四人枱大小），一次過可以四個人一齊玩。

最受歡迎嘅應該係呢個配對遊戲。

醫保點解會有呢個政策呢? 

佢嘅理念係預防勝於治療。療養好就唔使時時請病假 (開頭講咗，三日以上病假嘅人工係醫保負債)。退休後又唔使時時去睇醫生。佢可以慳番好多支出喎。