古董電車遊

友人家人慶祝生日。想租架古董電車遊車河，以我嘅專業當然要幫手book 啦。

原先想要嘅路線因為太貴，大家都卻步。之後有人話喺接近電車博物館嘅地點上落可能會平啲喎。最後扑鎚決定以我攞到嘅特價約300歐一個鐘嘅路線。

6 月 29大日子到臨。

電車到站就要出發，唔可以遲到。所以個個喺book 嘅時間前十幾分鐘到達集合地點等。（電車站）。

架車冇記錯係喺1928 年建造。六十年代停駛。

24個座位同18個企位。依家出租，當然不設企位啦。

但係司機係全程企個喎。

徇眾要求，司機停一停畀大家去買雪糕食。

然後喺 Karlsplatz 站嚟個大合照。

之後就回程嚕。Total 坐咗兩個鐘，居然免費OT畀我哋。

食過晚飯後喺遊樂場玩吓。