Pub Quiz

 5 月 6 我所屬部門 team building，選擇咗去一間酒吧餐廳食飯再玩 pub quiz。

呢間每星期一次。幫襯晚餐嘅顧客可以免費參加。

呢度一枱最多四人。

半認真的，開始前要交出手機（但係冇檢查）。

主持人問問題，再播同答案有間接關係嘅歌。要猜埋歌手同歌名。然後答案係寫喺填字遊戲紙上。所得嘅正確答案嘅相關字母會造成一個詞語。

主持人鄉音強勁。連我啲同事都要聽幾次條題目先明佢噏乜。而我加上語言障礙，完全唔識答啦。唯有幫手出貓問 AI。

柴哇哇，得到第四名。頭獎好似係餐廳優惠券。

其實我第一次玩。如果有人好似我咁唔知 pub quiz 係乜，等 AI 介紹一下啦。

Pub quiz 其實係一種喺酒吧入面玩嘅問答遊戲活動。通常一班人會同朋友組成一隊，一邊飲嘢、一邊聽主持人出題目，然後大家一齊討論答案。題目可以好廣泛，例如關於電影、音樂、歷史、地理，甚至係一啲搞笑或者冷知識嘅問題。每一輪答完之後會計分，最後分數最高嘅隊伍就贏，有時仲會有啲小獎品，例如免費飲品或者禮券。

整個氣氛通常都好輕鬆同熱鬧，重點唔係一定要贏，而係同朋友一齊玩、鬥下腦力，同時享受酒吧嘅氣氛。所以可以理解為一種結合咗社交、娛樂同小小競技元素嘅活動。