Hyde 演唱會

5 月 25 去咗 Konzerthaus 睇日本歌手 Hyde 嘅演唱會。

( 個blog又將我啲相次序倒轉)

話說我同事係負責佢應援團嘅酒店同觀光活動。

因為陣容鼎盛，之前嘅準備工夫我都要用我啲爛日文幫手幫手。因為咁，攞到免費飛。

咁多歌之中，我只識佢以前 L'Arc-en-Ciel 主音時嘅一首。

觀眾當中亦有西人。有啲仲 Lolita 打扮添。

歌主要係英文。而佢啲英文都講得幾好，唔太強日本人口音。

佢因為係奧地利嘅旅遊大使，佢新歌MV同寫真集都係喺奧地利取景。

我大約 2000 年起冇再聽日文歌，所以已經脫節晒。我仲以為佢收咗山添。

演唱會我識得嘅歌，就係以下呢首N年前嘅成名作。