黑仔露營團 2

滯留喺呢度，當然要搵啲嘢做吓。呢個營地嘅營友會有一張電子 Genuss Card。憑卡有啲景點免費，有啲特價。星期日 6月 14 就去咗 Burg Riegersburg 城堡參觀，入場費有八折優惠。

AI資料> 里格斯堡城堡（Burg Riegersburg）係建喺一座遠古死火山嘅火山岩山頂上面。

幾百萬年前，呢度曾經有火山活動，岩漿冷卻之後形成堅硬嘅火山岩。經過長時間風化同侵蝕，周圍較軟嘅岩石慢慢消失，剩低中間堅硬嘅火山岩核心，形成一座陡峭嘅山丘。

後來，人哋喺呢座天然堡壘上面興建里格斯堡城堡。由於山坡非常陡峭，所以城堡易守難攻，歷史上被視為奧地利最堅固嘅城堡之一。

搭𨋢上山。

城堡路面冇現代修葺過。保留咗以前馬車留低嘅車轆痕跡。

有鬍鬚嘅士兵口罩。

我哋買咗包括城堡內部參觀嘅飛。

入面有三個博物館，首先睇吓城堡博物館。

廁所。現代畫咗男女廁標誌（可能係畀啲小朋友知道）。

城堡侍從 Katharina Paldauf.。被指為 Blumenhexe (Flower Witch)。因為佢冬天都種到好靚嘅花，喺十七世紀嘅獵巫運動中被指控施展巫術、製造冰雹同破壞農作物，因此被判死刑。

嘔吐橋。相傳條橋又高又陡，有人行過會頭暈想嘔，因此得名；亦有人話以前守軍飲醉酒後會喺附近嘔，所以叫做「嘔吐橋」。

巫師博物館。

呢度附近嘅 Feldbach 喺17世紀發生過最大規模嘅獵巫審判之一。

《女巫之鎚》（Malleus Maleficarum）係歐洲歷史上最出名嘅獵巫手冊。

呢本書教人點樣辨認所謂「女巫」、點樣審問同定罪，對16至17世紀嘅獵巫運動有好大影響。

通常都係嚴刑拷問。

審判時，所謂嘅女巫唔可以直望法官。避免用眼去施巫術喎。

被判有罪後會比燒死。

其他罪犯會被碌斷手腳。呢副係喺呢附近出土嘅斷咗手腳骸骨。

偷嘢嘅會被瑣上木手套示眾。

講大話嘅會被戴上面具。

監獄。

有廁所的。

兵器博物館。

落山時開始落雨，路面濕滑。有啲驚險。

喺呢度亦可以玩攀石。

某餐廳亦配合女巫嘅主題，提供女巫的泊位。