睇blog見人用麵包機整麵包好似好好玩咁. 最近見超市有得賣.心心思思想買,又唔知佢用乜原理work喎. 盒面又全德文,明唔晒.驚買錯. 即刻醒起blog友DaDa 依家變咗整包達人,可以問吓佢. 佢真係好幫得手,俾咗幾條link我去研究. 當佢知我買咗部機,佢仲email啲食譜同我分享.多謝晒.
12月4日
香港之旅黎到尾聲喇. Lunch time去咗呢間茶餐廳格局嘅美式cafe.原先以為成間舗都裝飾成咁,有一邊仍然有梳化.
噚日瞓醒見出面白雪雪.原來夜晚落咗好多雪.
當你落街會到呢個現象.行人路嘅雪有啲剷咗,有啲未剷.因為呢度行人路嘅清潔係大廈自己負責,清道夫唔掃架.咁就出現咗各家自掃門前雪.
今日係奧地利公眾假期. 呢度嘅假期除咗國慶全部都同天主教有關.今日呢個係三王朝聖.聖經故事我唔係太認識,唔扮代表喇.而我要認識吓奧地利嘅習俗,唯有喺wiki惡補一下.
由12月27日至1月6日, 奧地利會有Sternsinger (star singers)為第三世界國家籌款.Sternsinger係小朋友扮三王,一個拎住粒星,通常再有多一位拎籌款箱另加一個大人傍住.標準嘅三王有Caspar(白人), Melchior(亞洲人), Balthasar(黑人),好似下圖咁.當然未必可以搵到呢啲人種嘅小朋友,好多時扮Balthasar嗰個就要塗黑塊面.
12月3日
朋友哋對呢個景點完全冇興趣,話唔想俾錢去排隊.聽佢哋咁講都唔建議去OP lu. 我自己鍾意disney多啲所以自己去,以前我有全年通行証架.
12月2日
香港景點都行得七七八八.咁就自由活動.一早我出咗去旺角朗豪坊影相.
12月1日
因為睇雜誌見有個Beatles展覽,去開屏山文物徑就去埋啦.我好少入屯門,都唔知屯門市廣場喺邊. Common sense話我知地鐵緊係去到市中心啦.去到屯門站冇指示嘅.好彩有人問.經過個商場先知呢隻嘢香港好hit.
某日喺香港站見到高達.我細個時唔鍾意睇,睇唔明個劇情.
好似我呢啲唔出去倒數,有乜好做呢? 睇電視囉!
奧地利嘅電視賀歲節目都好classic,年年係咁. 一踏入新一年,國營電視台就播華爾滋Donauwalzer.睇黎係奧地利人嘅國技,我都要學吓.大家跟住一齊跳啦.
除夕維也納另一個大型活動就係Silvesterpfad (New Year's Trail).市內多條街道都有慶祝活動(2 p.m. to 2 a.m.).
噚日朝早去睇每年舉行嘅國際維也納除夕(短)跑Internationaler Wiener Silvesterlauf,今年已經係第三十三屆.賽道係環繞環狀大道Ringstraße一周.我話佢係短跑因為第一名嗰位只係用咗十零分鐘.賽事十一點開始,我去到已經送隊尾.
,我個blog上咗旅遊精選blog.好多謝yahoo幫我宣傳,當然要多謝咁多位blog友得閒就黎坐,帶旺咗個場. 
.噚晚電視新聞講香港.喺呢度嘅新聞聽到香港個名其實都唔會有好嘢.今次報導廟街鏹水彈.電視影住啲受傷遊客(鬼),你話啲人仲敢唔敢去香港? 香港政府做多啲嘢喇,天眼冇乜用呀!
)短短喺香港嘅時間已經換咗兩隻杯喇.
