睇雪景

噚日瞓醒見出面白雪雪.原來夜晚落咗好多雪.

當你落街會到呢個現象.行人路嘅雪有啲剷咗,有啲未剷.因為呢度行人路嘅清潔係大廈自己負責,清道夫唔掃架.咁就出現咗各家自掃門前雪.

如果大廈冇自己嘅管理員,剷雪嘅工作就外判咗俾呢啲剷雪公司

馬路市政負責番

上一篇blog講咗噚日係公眾假期,我例牌去我鍾意嘅教堂(大家見到鐘樓嗰間)

例牌有藝術歌曲,弦樂演奏之外,呢日多咗Sternsinger唱歌.

彌撒完咗就四維行睇雪景.鋪咗雪嘅聖誕樹特別靚.

我發覺冬天有個影相嘅好處,啲建築物唔會被啲樹遮咗.

又特登探吓佢哋

呢度冬天溜冰,夏天就變咗人造沙灘.

行到屋企附近(大約15-20分鐘路程)有間塞爾維亞人教堂出邊好多人買樹枝.

亦有流動小販賣,

搞到一地都係枯葉.

問咗塞爾維亞裔朋友,原來噚日係東正教平安夜.咁同東正教嘅bloggers講聲聖誕快樂先.

冇幾遠呢棟幾靚嘅大廈就係我哋偉大祖國嘅大使館.佢隔離係英國大使館(幅相影唔到).我即刻有個idea 香港租左下角個更亭做office.襯番香港嘅歷史同size.

中國大使館外邊成日都有圖片展.香港係中國不可分割一部份. 圖片當然有香港啦,一幅咁大把.

英國大使館對就係聖公會教堂

行冇幾遠會見到俄羅斯大使館

隔離嘅俄羅斯東正教教堂,喺呢度行好快返到屋企lu.